Psalms 51:11 - Holy Bible Nigerian Pidgin English

¹¹ Nor drive mi komot from yor present or take yor holy spirit from mi.

Psalms 51:11 Jak'a apnaqawi uñst'ayäwi

Efesians 4:30

Make una nor do wetin go make di Holy Spirit vex. Bikos na di Holy Spirit bi di mark wey God put for una body, so dat for judgement day, E go know doz wey E go save.

2 Kings 13:23

But God look Israel pipol kon sorry for dem. God help dem, bikos of di promise wey E make with Abraham, Isaak and Jakob. Till today, E nor like to distroy or remove dem from en present.

Romans 8:9

But una nor dey obey sin, instead, na as di Spirit sey make una live, na so una dey live.

Jenesis 6:3

So Oga God kon sey, “My Spirit nor go fit stay with man again pass one hundred and twenty years, bikos dem bi ordinary human being.”

John 14:26

But di pesin wey go help una na di Holy Spirit, wey my Papa go send kom for my name. E go tish una evritin and e go help una remember evritin wey I don tell una.

Luke 11:13

Since una fit give una pikin good tins as una bad rish, wot of una Papa for Heaven wey go give di Holy Spirit to anybody wey ask am?”

Psalms 71:18

Naw wey I don old well-well, make Yu nor leave mi. Make I tell dis new generashon and all doz wey dey porshu mi about yor pawa.

1 Samuel 16:14

Naw, God Spirit don komot from Saul body and God kon send one wiked spirit make e dey ponish am.

1 Samuel 10:10

Wen dem rish Gibeah, some profets kom meet am. Den God Spirit enter Saul body and e kon bigin tok like di profets.

Judges 16:20

Den e shaut, “Samson! Filistia pipol don kon katch yu!” E wake-up kon tell ensef, “I go do as I dey do before, I go shake mysef and dey free.” E nor know sey Oga God don leave am.

2 Tesalonians 1:9

God go distroy dem and dia ponishment nor go ever end. Wen Christ go kom receive glory from di pipol wey e choose,

Psalms 71:9

Naw, for my old age, make Yu nor rijet mi. Make Yu nor leave mi wen I nor dey strong again.

2 Kings 24:20

So bikos God dey vex, di time kon even rish wen God nor won si Jerusalem and Judah pipol for en present again. Leta, King Zedekaya won kon fight against King Nebukadnezzar.

2 Samuel 7:15

I nor go take my love and favor from am just as I take am from Saul, wey I remove so dat David go bi king.

Judges 15:14

As Samson rish Lehi, Filistia sojas kom dey happy dey shaut. At wons, God pawa enter Samson and e kut di rope wey dem take tie am like sey na tread wey dey burn.

Jeremaya 7:15

Just as I porshu Israel pipol wey bi una relashon, na so too, I go porshu una komot from my front. Mi, Oga God, don tok.”

Psalms 43:2

bikos na Yu bi di God wey dey save mi. But wetin make Yu rijet mi? Why I go dey waka with pains, bikos my enemies dey opress mi?

Jenesis 4:14

Si! Yu dey porshu mi from di land and I must hide make Yu nor si mi. I go dey waka without house for dis eart; so anybody wey si mi, go kill mi.”

Romans 1:4

and naim bi my only Pikin wey I wake-up from deat with di Holy Spirit pawa.

2 Kings 23:27

God sey, “Just as I komot Israel from my eye, na so too I go komot Judah pipol. I go rijet dis town wey I choose, both Jerusalem and di temple wey I sey, ‘I go stay.’ ”

Judges 13:25

God Spirit gi-am pawa and e dey stay for Dan wey dey between Zorah and Eshtaol.