Psalms 5:4 - Holy Bible Nigerian Pidgin English

⁴ My God, Yu nor dey like bad tins; Yu nor fit bear wiked pipol sins.

Psalms 5:4 Jak'a apnaqawi uñst'ayäwi

Psalms 11:5

God dey si both good and bad pipol. E hate doz wey love wahala.

Hibru 12:14

Make una try to live for peace with evribody and dey holy, bikos anybody wey nor dey holy, nor go si God.

Malakai 2:17

Una don make God taya with una many tok. But una still dey ask, “How wi take make God taya?” Na wen una sey, “Pipol wey dey do bad tins, dey good for Oga God eye and E like dem well-well and wen una still ask sey, ‘Where di God wey dey judge well?’ ”

Psalms 140:13

True-true, pipol wey dey do wetin dey rite, dey praiz yor name and doz wey dey fear God, go stay for en present.

Psalms 50:21

As una dey do all dis tins, I nor tok at-all and una feel sey I nor kare. But naw, I go distroy una kon rite evritin wey I get against una.

Revelashon 21:27

But know dirty or yeye tin go ever enter di town. Pesin wey dey do bad or dey lie, nor go ever enter der, but di pipol wey go enter, na only doz wey dem rite dia name for di Lamb Life Book.

Habakkuk 1:13

Yor eyes too dey holy to si bad tins and Yu nor dey like si pipol wey dey do wiked tins. So wetin make Yu dey sorry for dem? Wetin make Yu kwayet wen wiked pipol dey distroy pipol wey good pass dem?

Psalms 92:15

Dem go sey, “God dey judge well! Na-im bi awa Rock and E nor dey do bad tin!”

2 Pita 3:13

But as God promise, wi dey wait for di new heaven and eart, di place where raitiousness dey.

Psalms 101:7

I nor go allow pipol wey dey deceive odas, serve for my house and doz wey dey lie, nor go stay for my present.

Psalms 94:20

Wiked leaders go fit sey God dey dia side? Leaders wey dey use di laws take opress pipol!

Revelashon 21:23

Di town nor nid sun or moon to shine, bikos God glory dey shine put and na di Lamb bi en lite.

John 14:23

Jesus ansa am, “Anybody wey love mi, go do wetin I tok and my Papa go love am, den wi go kon meet and stay with am.

1 Kronikles 29:17

I know sey Yu dey test evribody heart and Yu dey like doz wey dey respet diasef. I put my body for groun kon use all my heart take give Yu all dis tins and I don si how all yor pipol dey happy as dem dey give Yu dia gifts.

Psalms 63:2

I don si Yu for di temple kon si yor mighty pawa and glory.

Psalms 88:14

So, my God, wetin make Yu rijet mi? Wetin make Yu turn yor face from mi?