Psalms 47:9 - Holy Bible Nigerian Pidgin English

⁹ Di rulers for di world gada togeda with Abraham and God pipol, but bikos na God bi di King of evry king, make una honor am for evriwhere for di world.

Psalms 47:9 Jak'a apnaqawi uñst'ayäwi

Psalms 89:18

Yes! Awa proteshon dey kom from God and na en wey bi di Holy One for Israel, bi awa king.

Jenesis 49:10

Di pawa rod nor go komot from Judah and di pawa to take rule, go always dey en leg, until e go rish di pesin wey really get am and evribody go obey yu.

Exodus 3:6

E still tell am, “Na mi bi yor papa Abraham, Isaak and Jakob God.” Den Moses hide, bikos e dey fear to look God face.

Galatians 3:29

And if e bi sey una bilong to Christ, den una bi Abraham shidren and pipol wey go inherit wetin God promise.

Proverbs 30:5

“Evritin wey God tok, dey korrect. E dey guide evribody wey kom meet am make E protet dem.

Psalms 97:9

Yu, God get pawa pass evritin for dis world; so dem go praiz Yu pass any oda god.

Psalms 72:11

All di kings go bow for am and all di nashons go serve am.

Psalms 46:10

God sey, “Make una stand for where una dey, den una go know sey na mi bi God! Evry nashon go honor mi and evribody for di world go praiz my name.”

Romans 11:25

My friends, I nor won make una dey boast about unasef. So I go tell una wetin happen to Israel pipol. Some among dem sturbon well-well and na so dem go bi until di nomba for Gentile pipol wey God wont, don komplete.

Matiu 22:32

God sey, ‘I bi Abraham, Isaak and Jakob God. I nor bi God for pipol wey don die, but I bi God for pipol wey dey alive!’ ”

Isaya 49:23

Kings go bi like una papa and kweens go bi like una mama. Pipol go bow dey honor una with respet. Den una go know sey na mi bi God, bikos I nor go disgrace anybody wey dey wait make I help am.”

Isaya 49:7

God wey bi di Holy One and di Pesin wey save Israel; di Pesin wey wi dey sin against; wey dey serve rulers, dis na wetin E tok, “Kings go si yu kon stand, prince go bow down, bikos of God wey dey good wey bi di Holy One for Israel and naim choose yu.”

Isaya 11:10

Di day dey kom wen di new king from David family go bi sign to all di nashons. Pipol go gada for en royal town; gi-am respet kon ask make e guide dem.

Exodus 3:15

God still tell Moses, “Yu must tell Israel pipol sey, ‘God wey bi una grand-grand papa God; di Pesin wey bi Abraham, Isaak and Jakob God, na-im send mi kom meet una.’ Dis na my name forever and dis na wetin pipol go take remember mi from one generashon go rish anoda.