Psalms 33:3 - Holy Bible Nigerian Pidgin English

³ Make una sing new song take praiz am; make una play di harp make e loud well-well.

Psalms 33:3 Jak'a apnaqawi uñst'ayäwi

Isaya 42:10

Make una sing new song to God! Make evribody for di world sing praiz God. Una wey dey drive on-top di sea and evry oda tins wey E kreate for inside, make una sing praiz am. All di far land and doz wey dey der, make una praiz am.

Efesians 5:19

Make una dey tok to unasef with psalms, hymns and spiritual songs. For inside una heart, make una dey praiz God with hymns and psalms.

1 Kronikles 25:7

Dem train dem and dia rilashons so dat dem go fit play music well for God and dem bi 288.

Kolossians 3:16

Make Christ word stay inside una and make una dey tish each oda with wisdom wey go make una heart strong. Make una dey sing psalms, hymns and spiritual song and dey do all dis tins to really tank God from una heart.

Psalms 96:1

Make una sing new song for God! Make di whole world sing to am!

Revelashon 5:9

Dem kon dey sing new song sey: “Yu holy rish to take di book kon open di keys, bikos dem kill yu and na yor blood save all God pipol from evry tribe, language, group and kountry.

Psalms 144:9

My God, I go sing new song to Yu! I go use jita wey get ten rope take sing and praiz Yu.

Psalms 98:1

Make una sing new song for God, bikos E don do wonderful tins! E dey diliver pipol with en rite and strong hand.

1 Kronikles 13:8

David with all di pipol kon dey dance with dia heart to honor God. Dem sing dey play instrument, harp, drums, cymbals and trumpets.

Revelashon 14:3

Dem kon dey sing new song for di throne, di for creatures and di eldas front. Nobody fit learn di song, escept di 144,000 pipol wey God save from dis eart.

Psalms 149:1

Make wi praiz di Oga wey bi awa God kon sing new song to am. Make wi sing praiz am for where en pipol gada put.

Psalms 40:3

E don give mi new song to sing and hymns wey I go take praiz awa Oga God. Many pipol go si wetin E do kon praiz am, den dem go start to trust God.

2 Kronikles 34:12

Di men work with all dia mind and di four Levi men wey dey supavise dem na: Jahat and Obadaya from Merari; Zekaraya and Meshullam from Kohat family. (All Levi pipol wey dey der, sabi sing well-well.)

1 Kronikles 15:22

Bikos Kenanaya sabi play music well-well, dem kon make am dia leader.

Psalms 40:4

Make una si as pipol wey trust God dey happy; doz wey nor like proud pipol or woship juju.