Psalms 32:3 - Holy Bible Nigerian Pidgin English

³ Wen I nor gri konfess my sins, my body kon dey die go and I kon dey kry with pain.

Psalms 32:3 Jak'a apnaqawi uñst'ayäwi

Psalms 38:8

I don taya and my own don finish. I dey kry from my heart, bikos of all di pain for my body.

Psalms 38:3

and bikos Yu dey vex, my body nor dey strong again, bikos of my sin.

Lamentashons 3:8

I kry well-well make E help mi, but God nor gri ansa mi.

Psalms 22:1

My God, my God, wetin make Yu forget mi? Wetin make Yu dey far from mi wen I dey kry for help?

Hosea 7:14

Dem nor dey pray give mi with all dia heart. Instead, dem dey pritend dey kry and take body nak dia bed, just as doz wey nor know God dey do. Anytime dem dey do di korn and wine ofrin, dem dey kut demsef like sinnas and dem nor gri do wetin I tok.

Proverbs 28:13

Yu nor go ever susid for life if yu try to hide yor sin. Konfess and stop to do dem and God go show yu mesi.

Job 30:30

My skin don black finish and strong fever dey katch mi naw.

Psalms 51:8

My God, make Yu give mi my joy back and make my bones wey Yu break, strong again.

Lamentashons 3:4

E don make my skin and flesh old kon break di bones for my body.

Lamentashons 1:3

Dem karry Judah pipol go Babilon as slave kon dey sofa dem. Na anoda land dem dey stay and dem nor get peace at-all. Even with di pain wey dem dey pass thru, evribody wey porshu dem, katch and ponish dem.

Isaya 59:11

Dem dey sofa and make us fear. Wi won si God, so dat E go save us from di opreshon and bad tins wey wi dey do, but e nor gri work.

Isaya 51:20

Una shidren dey fall and faint street, bikos dem don weak; dem bi like animal wey hunta net katch. Dem don si how God vexnashon dey bi.

Psalms 6:2

Make Yu sorry for mi, bikos I dey weak. Make Yu heal mi, bikos my bones dey shake.

Job 30:17

Di nite dey make my bones pain mi; di pains dey bite mi and e nor gri stop.

Job 3:24

Instead make I chop, I dey kry and my pain dey pour kom out like wota.

2 Samuel 11:27

Wen e mourn finish, David kon bring am kom di palis and e born boy for am. But God nor like wetin David do.

Isaya 57:17

I bin dey vex for dem bikos of dia sin and long-trot, so I kon ponish and abandon dem bikos dem sturbon and dey do as dem like.

1 Samuel 31:13

Dem take di bones kon beri dem under di tamarisk tree for Jabesh; den dem kon fast for seven days.

Proverbs 17:22

Happiness dey give yu good life, but sadnes dey make pesin die small-small.