Psalms 27:6 - Holy Bible Nigerian Pidgin English

⁶ Den I go win my enemies wey gada round mi! I go offa sakrifice for dis temple and shaut for joy! I go dey sing and praiz my Oga God.

Psalms 27:6 Jak'a apnaqawi uñst'ayäwi

Psalms 3:3

But Yu, my God, na Yu bi di wall wey dey protet mi; na Yu bi my glory and di pesin wey make mi dey alive.

Hibru 13:15

True Christ, make wi kontinue to dey give God praiz as awa sakrifice. So, make wetin dey kom out from awa mout bi, “Na Jesus, bi Oga God.”

Psalms 107:22

Make dem tank am with sakrifice kon sing about di tins wey E do.

Isaya 12:6

Make evribody wey dey for Zion shaut and sing! Bikos Israel God dey holy and great and E dey stay with wi wey bi en pipol.”

2 Samuel 22:49

My Oga God! Yu save mi from my enemies kon give mi viktory and protet mi from wiked men.

Revelashon 15:3

Dem dey sing Moses wey bi God savant and di Lamb song sey: “God wey dey mighty, si as di tins wey yu dey do dey big and wonderful! Yu wey bi king for all nashons. Yu nor dey do parsha and evritin wey yu dey do, na true.

Zekaraya 9:9

Zion pipol! Make una happy well-well! Jerusalem pipol! Make una shaut with joy! Make una look, una king dey kom meet una! E dey raitious and naim get viktory. E dey honbol and kwayet as E sidan on-top donkey dey kom.

Jeremaya 33:11

Una go hear am kon shaut with happiness, with joy and belle go sweet una wen una dey do marriage. Una go hear pipol dey sing as dem dey kom tank mi with dia ofrin. Dem go sey, ‘Make wi tank God wey dey mighty, bikos E good well-well and en love dey forever.’ I go make dis land prosper as e bi before. Mi, wey bi God, don tok.”

Revelashon 5:9

Dem kon dey sing new song sey: “Yu holy rish to take di book kon open di keys, bikos dem kill yu and na yor blood save all God pipol from evry tribe, language, group and kountry.

1 Pita 2:5

So unasef too, don bi stone wey dey alive and God dey build una as en spiritual house, so dat una go bi priest wey dey holy and una go offa spiritual sakrifice wey E go asept thru Jesus Christ.

Psalms 95:1

Kom make wi sing praiz God! Make wi shaut praiz di Rock wey dey save us.

2 Samuel 7:9

I dey follow yu go anywhere wey yu dey go and I dey make yu win all yor enemies as yu dey fight. I go make evribody know yu for evriwhere, just as dem know all di big leaders for di world.

Jeremaya 31:7

God even sey, “Make una sing and happy for Israel pipol; make una happy for di nashon wey great well-well. Make dem hear una praiz for evriwhere kon sey, ‘God, make Yu save yor pipol, diliver Israel pipol wey remain.’

Psalms 138:5

Yes! Dem go sing about God ways, bikos en glory dey great well-well.

Psalms 110:7

But di king go drink from di wota wey dey flow pass for di road kon rule forever.

Psalms 81:1

Make wi sing praiz God wey bi awa strent. Make wi sing praiz Jakob God.

Psalms 47:1

Evribody! Make una kom! Make una klap una hand! Make una shaut praiz God with klean mind!

Psalms 21:13

My God, make Yu raiz-up with all yor pawa and wi go praiz and sing songs to take celebrate evritin wey Yu don do.

Psalms 21:1

My God, si as di king dey rijoice, bikos of yor pawa! E dey happy and shaut, bikos Yu make am win.

1 Kronikles 22:18

E tell dem, “Di Oga wey bi una God dey with una and E don give una peace for evry side. E make mi win all di pipol wey dey stay dis land and dem dey under una and God.

2 Kings 25:27

For thirty-seven years wen King Jehoiashin dey for Babilon, for di twenty-sevent day for di twelft mont, for di first year wen King Evil-Merodak dey rule Babilon, e sorry for King Jehoiashin kon release am from prison.

2 Samuel 22:1

David sing dis song afta God save am from Saul and en enemies:

Jenesis 40:13

For three days time, Fero go karry yu go back to yor ofis and yu go dey serve wine for Fero as yu dey do before.

Jenesis 40:20

So e happen sey for di third day, wey bi Fero birtday, e kon do party for all en savants and e sey make dem release both di man wey dey serve am wine and di one wey dey bake.

Psalms 3:4

Wen I kry to God for help, E ansa mi from en holy hill.

Psalms 57:8

So, make my heart wake-up! Trumpet and jita, make una wake-up too! Mi mysef go wake-up for morning with song for my mout.

Psalms 119:108

My God make Yu asept di ofrin wey my praiz bring and tish mi yor kommandment.