Psalms 2:2 - Holy Bible Nigerian Pidgin English

² Di kings for di world gada with rulers kon dey plan against God and di king wey E choose.

Psalms 2:2 Jak'a apnaqawi uñst'ayäwi

Matiu 26:59

Di priest oga dem and di Sanhedrin kon dey find wetin dem go take whole Jesus, make dem for fit kill-am.

Matiu 27:1

For early morning, di priest oga dem and di eldas kon dey plan as dem go take kill Jesus.

Psalms 45:7

Yu love wetin dey rite kon hate wiked tins. So Oga wey bi yor God don anoint yu as E pour en oil for yor head kon make yu high pass any oda pesin.

Acts 10:38

Jesus Christ wey kom from Nazaret, na-im God give di Holy Spirit and pawa. Una still know how e do good for evriwhere kon heal pipol wey devil dey opress, bikos God dey with am.

Proverbs 21:30

Yor wisdom, brain and undastandin nor mean anytin if God dey against yu.

John 1:41

E first go find en broda Simon kon tell am, “Wi don si di Mezaya”, (wey mean Christ).

Psalms 74:23

Make Yu nor forget evritin wey yor enemies tok or how dem dey shaut anyhow.

Psalms 48:4

Di kings for di eart join togeda kon fight di town.

Psalms 2:10

So naw, una wey bi king, make una do wetin dey rite; una wey dey rule di world, make una dey take korreshon!

John 3:34

Di pesin wey God send dey tok about God word, bikos God dey give en Spirit to pipol.

Psalms 89:20

I don si my savant David and I don anoint am with my holy oil.

Psalms 74:18

My God, si as di enemies dey curse Yu. Pipol wey nor get sense nor dey respet yor name.

Exodus 16:7

For morning, una go si God glory, bikos E don hear as una dey komplain against am. Na-im una dey komplain to, nor bi wi wey just bi ordinary human being.”

Hibru 1:9

Yu love to do good and yu hate wikedness. So God, wey bi yor God don anoint yu with oil wey dey bring joy and E make yu dey above yor mates.”

John 15:23

Di pesin wey hate mi, hate my Papa too.

Luke 13:31

Dat time, some Farisee pipol kom meet Jesus tok sey, “Run komot for here, bikos Herod won kill yu.”

Matiu 2:16

Wen Herod si sey di wise men deceive am, e vex well-well, so e send sojas make dem go kill all di boys wey don rish two years kom down, bikos e don rish two years wen di wise men kom meet am sey, dem si di star.

Isaya 61:1

God wey dey mighty, en Spirit dey on mi, bikos E don anoint mi to prish good news give poor pipol; heal doz wey dia heart break; announce make dem release doz wey bi slave and free doz wey dey for prison.

Psalms 110:5

Di Oga God stand for yor rite hand to protet Yu and E go kill many kings, wons E don dey vex.

Acts 9:4

E fall for groun kon hear one vois wey koll en name, “Saul, Saul, wetin make yu dey ponish mi?”

Matiu 26:3

Di priest oga dem and di eldas kon whole meetin with Kaiafas, di High Priest, for en palis.

Psalms 48:5

But wen dem si am, dia heart kut and fear katch dem, so dem kon run go back.

Psalms 83:6

Dem wey gada so na: Edom and Ishmael pipol, Moab and Hagrit pipol;