Psalms 19:8 - Holy Bible Nigerian Pidgin English

⁸ God kommands dey rite and e dey put joy for pesin heart. En kommands dey klear and e dey give pesin hope to stay for dis world.

Psalms 19:8 Jak'a apnaqawi uñst'ayäwi

Psalms 12:6

God promise dey pure well-well like silva wey dem melt for fire.

Psalms 119:105

Yor word na lantan wey dey guide my leg and lite wey dey make mi si road.

Jeremaya 15:16

My Oga God wey dey mighty, anytime Yu dey tok to mi, I dey listin well-well and na joy and happiness full my heart, bikos I bi yor own.

Proverbs 30:5

“Evritin wey God tok, dey korrect. E dey guide evribody wey kom meet am make E protet dem.

Psalms 119:128

All yor kommands dey korrect and dat na di rizin why I hate to do bad tins.

Proverbs 2:6

Na God dey give wisdom! Na from en mout knowledge and undastandin dey from kom.

Psalms 119:92

If to sey yor laws nor keep mi with joy, I for don die with my pains.

Psalms 119:80

As I dey keep yor kommand, make evritin wey I dey do, good for yor eye, so dat shame nor go katch mi.

Proverbs 6:23

Wetin dem sey make yu do, bi like lite and dia korreshon go fit tish yu how to live yor life.

Romans 7:22

I dey like to obey God law with my whole mind,

Galatians 2:19

As for di law, I don die to am, so dat I go fit dey alive with God.

Romans 3:20

Nobody dey good for God eye, bikos e dey obey di law. But na thru di law, wi take know wetin sin mean.

Romans 7:7

Dis mean sey di law nor good? No! But na di law make mi know wetin sin bi. If to sey di law nor sey, “Nor get long-trot for anoda man tin,” I nor for know sey I nor suppose to do dat kind tin.

Psalms 119:16

I go obey yor laws and I nor go forget yor word.

Psalms 119:14

Just as I dey happy to get propaty, na so too I dey happy to obey di laws wey Yu give us.

Ezekiel 36:27

I go give una my spirit kon make sure sey una dey follow my laws and keep all di kommandment wey I give una.

Psalms 119:171

Make praiz dey always kom out from my mout, bikos Yu don tish mi yor laws.

Psalms 119:143

Even doh pressure and wahala dey make mi taya, yor kommand still dey make mi happy.

Psalms 119:130

Di tishing for yor word dey give lite, so even pipol wey nor go skool dey undastand am.

Psalms 119:121

I dey do wetin dey rite, so make Yu nor leave mi for doz wey dey opress mi.

Psalms 119:40

I dey wait since to obey yor kommand, so make Yu make my life new again, bikos Yu good well-well.

Psalms 119:12

My God, I go praiz Yu, so make Yu tish mi yor laws.

Psalms 105:45

All dis tins happen make dem for dey follow God laws kon obey en kommand. So make wi praiz di Oga wey bi awa God!

Psalms 40:8

‘My God, I won do wetin Yu wont, bikos Yu rite yor laws for my heart.’ ”

Psalms 13:3

My Oga God, make Yu turn kon ansa mi! Make yu give mi strent again or I go die.

Exodus 18:16

Wen dem get any matter, di pipol go kom and I go judge and let dem know God kommand, en rules and law.”

Jenesis 26:5

All dis tins go happen, bikos Abraham obey mi kon keep all my words; my kommand, my rules and my laws.”

Galatians 3:21

So di law dey against God promise? No! Bikos if di law dey give pesin life, den raitiousness go must kom thru di law.

Isaya 64:5

Yu dey help pipol wey dey do wetin dey rite; pipol wey remember how Yu wont make dem dey live dia life. But wen wi kontinue to dey kommit sin, Yu vex for us. So na how wi wont make Yu take save us?

Psalms 119:54

Anywhere wey I dey, na yor law bi di song wey I dey sing.

Psalms 119:24

bikos yor law dey sweet and dem dey give mi good advise.

Nehemaya 9:13

Yu kom down from heaven kon tok to dem for Mount Sinai; Yu give dem betta judgement, laws, korrect tishings and kommands.

Nehemaya 8:12

So all di pipol go dia house dey happy, dey chop and drink and share wetin dem get with one anoda, bikos dem undastand wetin dem read give dem.

Deutronomi 16:14

Wen una dey celebrate dis feast, make una happy with una shidren, all una savants, Levi pipol for una town, strenjas, shidren wey nor get papa and mama again and wimen wey dia husband don die, wey dey stay with una.

Deutronomi 16:11

Dis na time to celebrate before di Oga una God for di place wey dem for dey woship am; di place wey E choose sey make dem honor en name. Make una celebrate with una shidren, all una savants, Levi pipol for una town, strenjas, shidren wey nor get papa and mama again and wimen wey dia husband don die wey dey stay with una.

2 Kings 17:37

Una must always dey obey my rules, laws and di kommandment wey I rite for una. Una must nor woship anoda god.

Psalms 93:5

My God! Nobody fit shange yor laws! Yor kingdom dey holy and Yu go rule forever and ever.

Psalms 111:7

Evritin wey E dey do dey rite and good and pesin fit trust all en kommand,