Psalms 17:8 - Holy Bible Nigerian Pidgin English

⁸ Make Yu protet mi as pesin dey protet en own eye. Make Yu hide mi under yor feada.

Psalms 17:8 Jak'a apnaqawi uñst'ayäwi

Deutronomi 32:10

Na empty dirty land for wildaness E for si dem. E dey look and guide dem for evry korna; E dey guide dem as pipol wey E love well-well.

Psalms 91:4

E go kover yu with en feada and na der yu go dey save. Na en promise wey nor dey fail, dey guide and protet us.

Psalms 91:1

Pipol wey dey stay where di Most High God dey, go dey save under en shadow.

Proverbs 7:2

Do wetin I tok and yu go get good life! Protet all wetin I tish yu just as yu go protet yor eye.

Luke 13:34

“Jerusalem pipol! Jerusalem pipol! Una wey kill profets and stone pipol wey God send kom meet una! E don tey wey I won gada una shidren as fawol dey gada en pikin under en feada, but una nor gri!

Zekaraya 2:8

Bikos Oga God wey dey rule ova evritin tell mi sey, na bikos of en own glory E send mi go di nashons wey bin distroy una, bikos anybody wey tosh una, don tosh di pipol wey E love well-well.”

Psalms 36:7

My God, si as I value yor love wey nor dey fail! Evribody dey save under yor feada shadow.

Psalms 57:1

My God, make Yu sorry for mi. Abeg, sorry for mi, bikos na Yu dey protet mi. I go hide under yor shadow until I don free from all dis wahala.

Rut 2:12

God go bless yu for evritin wey yu dey do! Di Oga wey bi Israel God wey dey protet yu, go pay yu for all di good tins wey yu don do!”

Psalms 61:4

Make Yu let mi stay yor temple forever, den I go dey save under Yu.

Matiu 23:37

“O! Jerusalem pipol, O! Jerusalem pipol! Una wey kill di profets and stone di pipol wey God send kom meet una! I don dey try to gada una shidren as fawol dey gada en shidren under am, but una nor let mi do am.

Psalms 63:7

help and save mi. I dey sing for joy, bikos I dey under yor shadow.

Psalms 16:1

My God, make Yu protet mi, bikos I don run kom meet Yu for help.

Psalms 36:8

Yu dey feed dem from di plenty food wey Yu get for yor own house kon let dem drink from yor wota wey dey give life,

Psalms 57:2

I kry to di Most High; di God wey dey supply evritin wey I wont

Psalms 61:5

Yu know wetin I promise and Yu don give mi di reward wey Yu dey give pipol wey dey obey Yu.