Psalms 17:14 - Holy Bible Nigerian Pidgin English

¹⁴ My God, with di pawa wey dey yor hand, make Yu distroy pipol wey dey espect dia reward from dis world. But doz wey Yu like well-well, make Yu give dem enough and dia shidren go get plenty kon die leave propaty for dia shidren-shidren.

Psalms 17:14 Jak'a apnaqawi uñst'ayäwi

Job 22:18

Na dis God make dem get money, yet I nor fit undastand how wiked pipol dey tink sef.

John 17:14

I don give dem yor word and bikos of dat, di pipol for world hate dem, since dem nor bilong to di world, as misef nor bilong to di world.

John 15:19

If una bi friend with di pipol for dis world, dem go love una as dia own pipol. But una nor bi dia friend, bikos I don choose una from di world, naim make dem nor like una.

John 8:23

Jesus ansa dem, “Na groun una from kom, but mi, na heaven I from kom. Una kom from dis world, but I nor kom from dis world.

Luke 16:25

“But Abraham ansa, ‘My pikin, remember sey wen yu dey alive, yu dey enjoy good tins, but Lazarus nor enjoy at-all. But naw, e dey enjoy for here and yu dey sofa for der.

Luke 16:8

“Di oga praiz di wayo manaja, bikos of di wayo sense wey e use. Bikos dis world pipol sabi use dia wayo sense for business pass pipol wey dey for lite.

James 5:5

Yu dey live life wey yu dey enjoy and yu dey enjoy for dis eart. Yu don make yorsef fat, dey wait for di day wey dem go kill yu.

Psalms 73:12

Si dis wiked pipol dey enjoy life, bikos dia money dey plenty.

Psalms 39:6

Wi bi like shadow wey dey waka pass and evritin wey wi dey busy dey work for, nor mean anytin. Wi dey gada money keep and wi nor know who go spend am.

Job 21:21

Bikos wen pesin die, e nor kare about wetin happen to en family.

Job 12:9

All of dem know sey na God by ensef dey kause all dis wahala for mi,

Job 12:6

But tif and pipol wey nor dey fear God dey live for peace, even doh na God hand dem dey.

Matiu 13:44

“God Kingdom bi like gold wey dem beri for field. One pesin wey si am, kon hide am. With happiness, e go sell evritin wey e get buy di land.

Proverbs 2:4

Find am well-well, just as yu go take look for silva or oda good tins.