Psalms 147:5 - Holy Bible Nigerian Pidgin English

⁵ Si as awa Oga God big rish! En pawa dey wonderful! Nobody fit undastand how God take dey know tins!

Psalms 147:5 Jak'a apnaqawi uñst'ayäwi

Isaya 40:28

Una nor know? Una neva hear? God go dey forever. Na-im kreate di whole world. E nor dey taya or weak. Nobody fit undastand wetin E dey tink.

Psalms 96:4

God dey great! Make all praiz bi en own! E big pass all di oda gods.

Romans 11:33

Who fit know how God big rish? Who fit know how God wisdom and undastandin bi? Who fit esplain why God dey do wetin E dey do!

Nahum 1:3

Oga God nor dey kwik vex, but en pawa dey great. E go must ponish wiked pipol. E dey show en great pawa thru strong breeze and heavy rain. Na di kloud bi di dust wey dey under en leg.

Psalms 48:1

Si as awa God great rish! Wi go praiz am for en own town wey dey on-top en holy mountin!

Psalms 40:5

My Oga God, Yu don do wonderful tins for us. Wetin Yu plan for us too many to kount. Nobody bi like Yu. If I start to kount all di wonderful tins wey Yu don do, I nor go fit kount dem finish.

Jeremaya 10:6

I sey, “My God! Nobody bi like Yu. Yu dey mighty and yor name dey great with pawa.

1 Kronikles 16:25

Bikos God dey great and evribody must praiz and respet am pass oda gods.

Revelashon 15:3

Dem dey sing Moses wey bi God savant and di Lamb song sey: “God wey dey mighty, si as di tins wey yu dey do dey big and wonderful! Yu wey bi king for all nashons. Yu nor dey do parsha and evritin wey yu dey do, na true.

Psalms 145:3

God dey great! Na only en wi suppose to dey praiz! Nobody fit measure as E big rish.

Psalms 99:2

God dey great for Zion and naim bi Oga ova all di nashons.

Psalms 135:5

Yes! I know sey God dey great and awa Oga God high pass oda gods.

Job 36:5

True-true, God strong well-well! E nor dey feel sey pesin nor dey yuzful and e nor get anytin wey E nor undastand.

Jeremaya 10:7

E nor get who nor dey fear Yu, bikos na Yu kreate evritin. Nobody bi like Yu for di whole world. Even kings and wise men nor rish Yu.

Daniel 2:20

kon sey, “Make wi praiz God name forever and ever, bikos na-im get wisdom and pawa.