Psalms 147:3 - Holy Bible Nigerian Pidgin English

³ E heal pipol wey dia heart don break kon trit dia sore.

Psalms 147:3 Jak'a apnaqawi uñst'ayäwi

Psalms 34:18

Pipol wey nor get hope, God dey-dey near dem; E dey save doz wey dia spirit dey die.

Job 5:18

God go kover where E for wound yu; na en hand wound yu and na dat same hand E go take heal yu.

Jeremaya 33:6

But I go heal di town and en pipol kon make dem well again. I go give dem peace forever and dem go dey save.

Isaya 61:1

God wey dey mighty, en Spirit dey on mi, bikos E don anoint mi to prish good news give poor pipol; heal doz wey dia heart break; announce make dem release doz wey bi slave and free doz wey dey for prison.

Luke 4:18

“God Spirit dey my body, bikos E don anoint mi make I prish Good News give poor pipol. E send mi make I prish freedom give pipol wey dey prison and make blind pipol for si. E still sey make I free doz wey dem dey opress

Psalms 51:17

Di sakrifice wey Yu wont, na spirit wey dey honbol and dey obey Yu. My God, Yu nor go rijet pesin wey honbol and turn from en sin kom meet Yu.

Malakai 4:2

But for una wey dey fear my name, my sun wey dey give life go shine and heal una. Una go dey free kon dey happy like melu pikin wey dem open en kage make e for go play.

Ezekiel 34:16

“Doz wey don lost and wey waka anyhow, I go find and bring dem kom back. Doz wey get sore, I go bandage am for dem kon heal doz wey dey sick; but doz wey fat and strong, I go distroy dem, bikos I bi shepad wey dey do wetin dey rite.

Isaya 57:15

Na mi bi di high and holy God, di Pesin wey go live forever. Where I dey stay, dey high and holy, but I still dey stay with pipol wey dey honbol and ready to turn from sin kom meet mi, so dat I go give dem mind and hope again.

Psalms 34:19

Pipol wey dey do wetin dey rite, dey face trobol well-well, but God go save dem from all dia wahala.