Psalms 145:8 - Holy Bible Nigerian Pidgin English

⁸ God get mesi and dey sorry for pipol! E nor dey kwik vex and en love nor dey ever fail.

Psalms 145:8 Jak'a apnaqawi uñst'ayäwi

Nombas 14:18

‘Mi wey bi God, I nor dey kwik vex and I dey show my love and goodness well-well. I dey forgive pipol sins and sturbones, but I go still ponish dia shidren-shidren go rish dia third and fourt generashon, bikos of di sin wey dia papa and mama kommit.’

Psalms 103:8

God dey sorry and show mesi to pipol well-well; E nor dey kwik vex and en love for us nor dey fail.

Psalms 86:5

Yu dey good and ready to forgive awa sins and pipol wey kom meet Yu for help, Yu dey show dem yor love wey nor dey fail.

Psalms 116:5

Naw, make una si as God kind and good rish! Dis awa God too dey pity for pesin!

Psalms 100:5

Bikos God dey good, en love wey nor dey fail dey forever and E dey good from one generashon go rish anoda.

Psalms 86:15

But Yu, my Oga, Yu bi God wey dey sorry and pity for pipol; Yu nor dey kwik vex and Yu dey show yor faithfulnes and great love wey nor dey fail.

Efesians 2:4

Bikos God love us well-well, E don show us plenty mesi

Efesians 1:8

Di grace wey E give us, get plenty wisdom, sense and undastandin.

Jonah 4:2

Den e kon dey komplain to God, “My God, before I komot from my kountry, I know sey dis na wetin Yu go do? Na dis tin make mi try to run go Tarshish! I know sey Yu dey sorry and kare for pipol and Yu get patient, dey kind and instead of Yu to ponish pipol, Yu always dey ready to forgive dem.

Daniel 9:9

But even with all di sin wey wi kommit, Yu still dey forgive and sorry for us.

Efesians 1:6

So, make all praiz and glory bi en own, bikos of en free grace wey E give us, thru en pikin wey E love well-well.