Psalms 145:10 - Holy Bible Nigerian Pidgin English

¹⁰ So Oga God, all yor works go tank Yu and di pipol wey bilive Yu, go praiz Yu.

Psalms 145:10 Jak'a apnaqawi uñst'ayäwi

Psalms 19:1

Di heavens dey show as God glory bi. Di sky dey show how en work big rish.

Psalms 103:22

Evritin wey God kreate, make una praiz God for evriwhere for en kingdom. Make my soul praiz God!

1 Pita 2:9

But God don choose una to bi en priest and holy pipol, so dat una go prish di Good News, bikos E koll una from darkness kon enter en brite lite.

1 Pita 2:5

So unasef too, don bi stone wey dey alive and God dey build una as en spiritual house, so dat una go bi priest wey dey holy and una go offa spiritual sakrifice wey E go asept thru Jesus Christ.

Hibru 13:15

True Christ, make wi kontinue to dey give God praiz as awa sakrifice. So, make wetin dey kom out from awa mout bi, “Na Jesus, bi Oga God.”

Isaya 44:23

Heavens, make una shaut dey happy! All di deep part for dis eart, make una shaut well-well! Make mountins and evry tree for di forest, shaut too, bikos God protet Israel pipol kon show how E great rish.

Psalms 104:24

So my God, make Yu si all di difren tins wey Yu don do! Na sense Yu take make all of dem. Na wetin Yu kreate full di whole eart.

Psalms 97:12

So make evribody wey dey fear God, happy kon praiz en holy name!

Psalms 68:26

So, God pipol wey gada togeda, make una praiz di Oga una God!

Psalms 32:11

So, doz of una wey get pure heart and dey raitious, make una happy well-well!

Psalms 30:4

All of una wey dey fear God, make una sing to am!

Psalms 22:23

Evribody wey dey fear God, kom make wi praiz am! All Jakob shidren-shidren, make una kom make wi honor am!

Psalms 30:5

Bikos en vexnashon nor dey tey, but en favor dey last forever! Even doh I kry for nite, I know sey joy go kom for morning.

Psalms 57:9

I go tank Yu wey bi my God for where evribody dey. I go sing yor praiz among all di nashons.

Psalms 69:35

Bikos God go diliver Zion kon ribuild Judah town and en pipol go stay der again kon take-ova Zion.

Psalms 149:5

Make doz wey dey fear am, happy, bikos E go fight for dem! Make dem shaut for joy as dem dey sleep for dia bed!