Psalms 142:7 - Holy Bible Nigerian Pidgin English

⁷ Bring mi kom out from prison, so dat I go tank Yu. Pipol wey dey fear God go kom gada round mi, bikos Yu dey good to mi.”

Psalms 142:7 Jak'a apnaqawi uñst'ayäwi

Psalms 143:11

My God, make Yu save mi, bikos of di glory wey dey yor name. Save mi from dis wahala, bikos of yor faithfulnes.

Psalms 146:7

Pipol wey dem dey opress, E dey judge dia kase well and dey feed doz wey dey hongry. God dey free pipol wey dey prison.

Psalms 13:6

Yes! I go sing to God, bikos E don save mi.

James 5:11

Make una tink of how wi dey look pipol wey get patient sey, God don bless dem. Una hear how Job get patient and how God bless am leta. God get mesi and E dey sorry for pesin well-well.

Acts 2:24

But God kon raiz am up afta E don gi-am pawa to win deat, bikos deat nor get pawa to hold am.

Isaya 61:1

God wey dey mighty, en Spirit dey on mi, bikos E don anoint mi to prish good news give poor pipol; heal doz wey dia heart break; announce make dem release doz wey bi slave and free doz wey dey for prison.

Psalms 9:14

Save mi so dat I go fit praiz Yu for publik for Jerusalem gate. Yes! I go dey happy bikos Yu don save mi.

Psalms 142:1

I kry to God! I dey beg make E kom help mi.

Psalms 119:17

Make Yu dey good to mi wey bi yor savant, so dat I go live and obey yor word.

Psalms 116:7

So my soul go rest again, bikos God dey good to mi.

Psalms 119:74

Make pipol wey dey fear Yu, dey happy wen dem si wetin Yu do for mi, bikos I don put my hope for yor word.

Psalms 34:2

Na only God name I go take boast; so make doz wey dem dey opress, listin and happy well-well.

Psalms 31:8

Yu nor give mi to my enemies and Yu don put mi for where I go dey save.

Psalms 9:3

bikos as my enemies si Yu, dem stagga fall kon die.

Psalms 38:20

Dem dey pay mi bad for good kon dey oppoz mi for di good tins wey I do.

Psalms 143:9

Oga God, make Yu save mi from my enemies; bikos I run kom meet Yu make Yu hide mi.