Psalms 137:1 - Holy Bible Nigerian Pidgin English

¹ As wi sidan near Babilon River, wi kon dey kry bikos wi dey tink about Jerusalem.

Psalms 137:1 Jak'a apnaqawi uñst'ayäwi

Ezekiel 1:1

Thirty years afta dem karry us go Babilon as slave, wen I dey stay with my pipol near Chebar River, for di fift day for di fourt mont, heaven open and I kon si one vishon.

Ezekiel 3:15

Den I kon rish Tel-Abib wey dey near Chebar River, for where di prisonas dey stay and I kon stay der for seven days, but di tins wey I si and hear, fear mi well-well.

Luke 19:41

Wen Jesus near Jerusalem, e look di town kon dey kry,

Ezekiel 1:3

Na God give dis message to mi Ezekiel Buzi pikin, wey bi priest, near Chebar River for Babilon and I feel en hand for my body.)

Lamentashons 3:48

Wota dey rush kom out from my eye, bikos dem don distroy my pipol finish.

Lamentashons 2:18

Jerusalem wall wey fine well-well, make yu kry give God! Both day and nite, make di wota from yor eye dey flow like river! Make yu nor rest or stop to kry!

Lamentashons 1:16

Bikos of dis tins; I kry well-well, but nobody dey to konfort or give mi hope. My shidren nor get future, bikos awa enemies don win us.

Jeremaya 15:17

I nor dey spend my time to play and enjoy mysef with oda pipol. I dey always dey alone; dey obey yor word and I dey vex for evil pipol, bikos of wetin dem don do.

Psalms 42:4

I start to kry wen I remember as tins bi before! Den I dey waka with doz wey dey woship God; dey lead many pipol go God house and wi dey happy as wi dey sing and dey tank am as wi dey celebrate!

Nehemaya 2:3

so I tell di king, “My king, make yu live forever! Wetin nor go make my face look like who dey sick wen e bi sey dem skata and burn di gates for di town where dem beri my grand-grand papa put.”

Ezra 8:31

Na for di twelft day for di first mont naim wi komot from Ahava River kon start to go Jerusalem. Awa God dey with us and E protet us from enemies make dem nor attack and set trap for us as wi dey travel.

Ezra 8:21

For where wi dey for Ahava River, I kon orda sey make all of us fast and honbol awasef before God and make wi ask am make E lead and protet us, awa shidren, all awa propaty and for awa journey.

Revelashon 11:3

I go give my two witness authority to profesai for 1,260 days and na sak klot dem go wear.

Daniel 9:3

So I wear sak klot, sidan for ashes den turn to God kon dey beg am as I dey pray and fast.

Lamentashons 3:51

My heart heavy well-well wen I si wetin happen to di wimen for dis town.

Isaya 66:10

“So make una happy with Jerusalem; all of una wey like dis town, make una happy for am! All of una wey bin dey mourn for am, make una happy with am naw!

Jeremaya 8:19

I dey hear my pipol dey kry for evriwhere for di land sey, ‘God nor dey Zion? Abi Zion king nor dey der again?’ ” But God ansa, “Wetin make una go woship juju kon make mi vex?”

Jeremaya 13:4

“Di short nika wey yu buy and wear so, pul and take am go Perat. Dig and hide am for one hole wey dey di rock near Eufrates River.”

Jeremaya 51:13

Una wey dey stay along Babilon river, una end don near well-well. Una wey rish well-well with propaty wey una tif, dis na di time to kill una.