Psalms 132:11 - Holy Bible Nigerian Pidgin English

¹¹ God promise David di kind promise wey nor go shange sey: “I go put one among yor shidren for di throne.

Psalms 132:11 Jak'a apnaqawi uñst'ayäwi

2 Samuel 7:12

Wen yu die and yu don go join yor grand-grand papa, I go make one among yor shidren king and I go make en kingdom strong.

Psalms 110:4

God don promise and E nor go break di vow wen E make sey: “Yu bi priest forever like Melkizedek.”

Acts 2:30

Wi know sey en na profet, bikos God don promise am sey, naim pikin dem go always bi king for Israel.

2 Kronikles 6:16

My Oga wey bi Israel God, make Yu do wetin Yu promise yor savant, my papa David, wen Yu sey, ‘Na yor shidren and shidren-shidren go dey rule for Israel, so-far dem do wetin I tok kon obey my laws, just as Yu obey mi.’

Hibru 6:18

God nor dey lie! So di promise wey E make and ensef wey E take swear, na two tins wey nor go shange. Since wi don run go meet God make E guide us, e good make awa mind strong, so dat wi nor go fear as wi bilive en promise.

Luke 1:32

E go big well-well and dem go koll am God wey dey for heaven pikin and God go gi-am en papa David throne.

Psalms 89:37

E go dey forever like di moon and di sky go bi witness to show how I really dey faithful!”

Psalms 89:35

Yes! I don promise David and bikos I dey holy, I nor go fit lie:

Psalms 89:33

But I nor go stop to love am or forget di promise wey I make with am.

1 Kings 8:25

And naw, my Oga! Yu wey bi Israel pipol God, I dey pray make Yu do all di oda tins wey Yu promise my papa wen Yu sey, na only en shidren-shidren go bi king for Israel, as long as dem obey Yu, just as dia papa, David obey Yu.

2 Samuel 7:16

En house and kingdom go dey before mi forever; en family go rule forever.’ ”

2 Samuel 7:14

I go bi en papa and e go bi my pikin. Wen e do wrong, I go ponish am as papa dey ponish pikin.

1 Samuel 15:29

God wey get Israel must do wetin E tok and E nor dey shange en mind, bikos E nor bi human being wey dey shange mind.”

Nombas 23:19

God nor bi like man wey dey lie and E nor bi human being wey dey shange en mind. Anytin wey E promise, E dey do am; Anytin wey E tok, na so e go bi.

1 Kings 1:48

kon pray sey, ‘Make wi praiz di Oga wey bi Israel pipol God, wey don make one of my pikin take my place as king and E make mi dey alive to si am!’ ”

2 Kronikles 7:18

Den I go make yor shidren rule forever, just as I promise yor papa David sey, ‘Yu go always get pikin wey go rule ova my pipol, Israel.’

Psalms 89:5

So my God, heavens go praiz di great and wonderful tins wey Yu don do and angels go praiz Yu bikos of how Yu dey good.