Psalms 130:4 - Holy Bible Nigerian Pidgin English

⁴ But Yu always dey ready to forgive so dat dem go honor Yu.

Psalms 130:4 Jak'a apnaqawi uñst'ayäwi

Isaya 55:7

Make wiked pipol turn from dia wiked life kon shange di way dem dey tink. Make dem turn go meet di Oga wey bi awa God, bikos E dey sorry for pesin and dey kwik forgive pipol.

Daniel 9:9

But even with all di sin wey wi kommit, Yu still dey forgive and sorry for us.

Psalms 86:5

Yu dey good and ready to forgive awa sins and pipol wey kom meet Yu for help, Yu dey show dem yor love wey nor dey fail.

Kolossians 1:14

Dis na di pikin wey pay for us, so dat wi go dey free and God go forgive us awa sins.

2 Korintians 5:19

So, bikos of Christ, God dey turn di world from en enemy, to en friend. E nor dey kount pipol sins against dem and E don give us di message wey go make pipol bi en friend.

Isaya 1:18

Afta una don do like dat, den God go sey, “Make una kom make wi setol di matter naw. Even doh una don stain unasef with blood bikos of una sin, I go wosh una white like snow. Even doh una stain red well-well, una go kon dey white like wool.

Efesians 1:7

Na thru Christ blood wi take get salvashon and na dis blood make God dey forgive us awa sins, bikos en grace big well-well.

Romans 8:1

So, God nor go kondemn pipol wey bilive Jesus Christ.

Hosea 3:5

But di time dey kom wen Israel pipol go turn kom meet Oga God and one among David shidren-shidren, go bi dia king. Den dem go fear God and E go bless dem.

2 Timoti 2:19

But God strong foundashon still stand and dem rite put sey, “God know en pipol and evribody wey bi Christ own, must stop to do evil.”

Acts 9:31

Dat time, di church wey dey Judea, Galilee and Samaria get rest and dis kon make dem strong as dem dey stay togeda, dey woship God with all dia heart and as di Holy Spirit dey tok to dem. So pipol wey dey di church kon dey plenty more-more.

Jeremaya 31:34

“Pipol nor go nid to tish each oda about how to know God, bikos evribody go know mi; both doz wey poor and doz wey get money. I go forgive dia sins and I nor go remember di bad tins wey dem do before. Mi, wey bi God, don tok.”

Psalms 25:11

My God, bikos of di honor wey yor name get, make Yu forgive mi my many-many sins.

2 Samuel 12:13

So David sey, “I don sin against God.” Natan ansa, “God don forgive yu, so yu nor go die.

Job 22:23

Make yu go back go meet God; if yu remove wiked tins for yor house, E go karry yu up.