Psalms 128:2 - Holy Bible Nigerian Pidgin English

² Yu go enjoy wetin yu dey work for! Yes! Yu go dey happy and sikure.

Psalms 128:2 Jak'a apnaqawi uñst'ayäwi

Isaya 3:10

So make una tell innocent pipol sey e go betta for dem, bikos God go reward dem for wetin dem don do.

Isaya 62:8

God don make betta promise and E go make am happen with en pawa den E go sey: “Enemies nor go chop una korn again and strenjas nor go drink una wine again.

Deutronomi 28:4

God go bless una shidren and una plants. E go still bless una animals and dia pikin wey dem go born.

Deutronomi 28:11

God go make una shidren, animal and plant many kon make una prosper for di land wey E promise una grand-grand papa sey, E go give una.

1 Korintians 15:58

So my friends, make una dey strong and nor let anytin shake una. Make una always dey do God work, bikos una know sey, evritin wey una do for God, get gain.

Ekklesiastes 8:12

If pipol wey sin hundred times still get long life, den I know sey pipol wey dey fear God, na dia life go long pass.

Efesians 6:3

So dat e go betta for una and una go get long life.

Jeremaya 22:15

If yu take cedar wood build house and e fine pass oda pipol own, na dat one make yu bi betta king? Yor papa enjoy life well-well, bikos e always dey good and kind, so e prosper for evritin wey e do.

Isaya 65:13

I dey tell una sey, doz wey woship and obey mi, go get plenty food to chop and drink, but food and wota go hongry una wey dey disobey mi. My pipol go dey happy, but na disgrace go follow doz wey dey disobey mi.

Deutronomi 28:51

Dem go chop una animals pikin and una plants, den dem go distroy una. Dem nor go leave any korn, new wine, olive oil or animals for una and una go hongry die.

Deutronomi 28:39

Una go plant and kare for una vineyard, but una nor go drink di wine or chop di grapes, bikos worm go distroy evritin.

Jenesis 3:19

Yu go sweat before yu chop, until di day wey yu go die go back to groun, where I from kreate yu.”

Psalms 109:11

Make pipol wey e dey owe, kollect all wetin e get and make strenjas take evritin wey e work for.

Deutronomi 28:8

God go kommand blessing for una aria and for evritin wey una dey do; yes, E go bless una for di land wey E dey give una.

Psalms 1:3

E bi like tree wey dem plant near wota; wey dey bear fruit for di korrect time and en leaf nor dey dry. E dey prosper for anytin wey e do.