Psalms 119:1 - Holy Bible Nigerian Pidgin English

¹ Make una si as God dey bless pipol wey dey do wetin dey rite and obey en kommand.

Psalms 119:1 Jak'a apnaqawi uñst'ayäwi

Luke 11:28

Den Jesus sey, “Pipol wey hear God word and do wetin e tok, na dem God don bless!”

Ezekiel 11:20

Dat time, dem go keep my law and obey my kommand with all dia heart. Dem go bi my pipol and I go bi dia God.

James 1:25

But di pesin wey dey look God pafet law wey dey free pipol; dey do wetin di word tok and e nor dey listin and forget, God go bless am for evritin wey e dey do.

Psalms 128:1

Make una si di blessing wey dey follow doz wey dey fear and do wetin God kommand.

John 13:17

Since una know wetin I dey tok, God go bless una, if una do dem.

Luke 1:6

Dem dey do wetin God like, dey follow all di tins wey God tok for en word.

Psalms 112:1

Make wi praiz God! Pesin wey dey obey and love to do wetin God kommand, blessing dey follow am.

Proverbs 11:20

God hate pipol wey get bad mind, but E love doz wey dey do di rite tin.

Acts 24:16

Na bikos of dis I dey always try my best to get klean belle for God and pipol front.

Psalms 101:2

Make Yu help mi to do di rite tin, so dat I go dey honest and dey do good as I dey rule my kingdom.

Hosea 14:9

Make doz wey dey wise, undastand dis tins. Make doz wey get sense, listin well-well. God ways dey true and e dey rite too and pipol wey dey raitious, dey follow am as dem dey live dia life. But doz wey dey sin, go stagga fall.

Revelashon 22:14

God don bless doz wey wosh dia klot klean, so dem go get authority to chop from di tree wey dey give life and dem go fit pass di gate enter di town.

Psalms 101:6

I go favor di good pipol wey dey di land and dem go kom stay with mi. Na only doz wey nobody dey tok bad about, go serve mi.

2 Korintians 1:12

Wi dey happy, bikos wi know sey di way wi dey live awa life for dis world and how wi dey bihave with una, dey show sey na God send us thru en pawa, nor bi human being own.

John 1:47

Wen Jesus si Netanel dey waka kom meet am, e kon sey, “Make una look! Dis na betta pesin wey kom from Israel, wayo nor dey en belle.”

Job 1:8

God kon tell Satan, “Yu know my pikin wey dem dey koll Job? Nobody bi like am for di eart; e dey klean and e good well-well. E dey fear mi well-well and e nor dey do bad tins.”

Job 1:1

E get one man wey dem dey koll Job, e dey stay for Uz land and e dey do wetin God wont. E dey serve God with klean belle and e nor dey do bad tins.

2 Kings 20:3

“My Oga God, make Yu remember sey I don serve Yu with all my mind and I dey always try to do evritin wey Yu wont make I do.” Den e start to kry well-well.

Proverbs 13:6

Na God dey guide innocent pipol, but na sin dey kontrol wiked pipol.

2 Samuel 22:22

I don obey God law; I neva turn from my God before.

Proverbs 29:18

Wen pipol nor follow God way, dem dey waka anyhow, but pipol wey dey obey God law, na happiness bi dia own!