Psalms 118:6 - Holy Bible Nigerian Pidgin English

⁶ God dey my side, so I nor go fear. So wetin ordinary pesin fit do mi?

Psalms 118:6 Jak'a apnaqawi uñst'ayäwi

Hibru 13:6

So make wi get mind wey go make us fit sey, “Na God bi my helpa, so wi nor go fear. Wetin human being go fit do us?”

Romans 8:31

Wetin wi go tok about all dis tins? If God dey for awa side, who go fit dey against us?

Psalms 56:4

I praiz God for wetin E don promise. I trust God, so wetin go make mi dey fear?

Psalms 56:11

I trust God well-well, so wetin go make mi dey fear? Wetin ordinary human being go fit do mi?

Psalms 56:9

My enemies go run wen I koll Yu for help, bikos I know sey God dey for my side!

Jeremaya 20:11

But God wey strong and get pawa, dey my side. So doz wey dey plan against mi, go fail. Yu go disgrace dem forever, bikos dem nor go susid and dem nor go ever forget di disgrace.

Isaya 51:12

God sey, “Na mi dey give una pawa. So why una dey fear ordinary men wey nor go last pass grass?

Psalms 23:4

Even doh I waka pass di place wey dark pass and where deat dey, I nor go fear anytin, bikos E dey with mi; en rod and staff dey protet and konfort mi.

Psalms 46:11

God wey dey lead heaven sojas dey with us and na Israel God dey protet us.

Psalms 146:5

But pipol wey Israel God bi dia helpa and hope, dey inside di Oga God and na joy dey follow dem.

Psalms 46:1

Na God bi di strong place wey wi dey hide put and na-im dey help us wen wi dey trobol.

1 Samuel 17:11

Wen Saul and Israel pipol hear wetin di Filistia man tok, dem vex well-well and fear kon dey katch dem.

1 Samuel 17:37

David still sey, “God wey diliver mi from di lion and di bear, go still diliver mi from dis Filistia man hand!” Den Saul kon tell David, “Make yu go fight am and make God dey with yu.”

Psalms 56:5

Evriday, dem dey kause wahala for mi. All wetin dem sabi, na to dey plan bad tins against mi.

Psalms 56:10

I dey praiz God for wetin E don promise. Yes! I go dey praiz am, bikos of en promise.

Psalms 56:12

My God, I go do wetin I vow to give Yu and tank Yu, bikos of how Yu dey help mi.

Psalms 94:16

Naw, who go protet mi from wiked pipol? Who go help mi fight doz wey dey do evil?

Psalms 112:8

Dem get mind and dem nor dey fear as dem dey fight and distroy dia enemies.