Psalms 116:1 - Holy Bible Nigerian Pidgin English

¹ I love God, bikos E dey hear my vois and my prayer for help.

Psalms 116:1 Jak'a apnaqawi uñst'ayäwi

1 John 4:19

Bikos God first love us, naim make us dey fit love each oda.

John 16:24

Before naw, una neva take my name ask for anytin. Naw make una use my name ask for anytin wey una wont and una go get am, so dat una joy go full well-well.

Mark 12:33

To love God with all awa heart, mind and pawa and to love awa neighbour as awasef big pass all di sakrifice and ofrins wey pesin fit give God.”

Psalms 69:33

God dey listin to doz wey nor get help and E nor go forget en pipol wey dem dey ponish.

Psalms 40:1

I wait with patient make God kon help mi, and E turn kon hear my kry.

Psalms 119:132

Make Yu kom show mi yor mesi, just as Yu dey do to evribody wey love yor name.

Jenesis 35:2

So Jakob tell en hold family and doz wey dey with am sey, “Make una skata all di oda gods wey dey with una. Make una go wosh unasef kon shange una klot.

John 21:17

Jesus ask am di third time, “Simon, John pikin, yu sure sey yu love mi so?” Pita kon dey vex, bikos e pain am well-well, as Jesus ask am di same kweshon three times, “Yu sure sey yu love mi so?” Den Pita sey, “Oga God, yu know evritin, yu know sey I really love yu.” So, Jesus tell am, “Make yu feed my sheep.

1 Samuel 1:26

Hannah kon sey, “Oga, yu remember mi so? Na mi bi di woman wey yu si stand for here dey pray give God.

Nombas 21:3

God hear Israel pipol prayer kon diliver Kanaan pipol to dem and dem distroy dem and dia towns. So dem kon koll dat place, “Hormah.”

1 Kings 9:3

God tell am, “I don hear yor prayers. Dis temple wey yu build for mi, I don make am holy for mysef and na der dem go for woship mi forever. I go wosh and kare for am always.

Psalms 28:6

I go praiz God, bikos E don hear my kry for help!

Isaya 38:15

But wetin I go tok? God don do as E kommand. All my life, I go dey waka small-small bikos fear dey katch mi.

Lamentashons 3:56

Yu hear my kry for help wen I sey: ‘God make Yu listin to mi well-well!’

Jonah 2:3

Na Yu God trow mi inside dis deep sea. Yu trow mi inside di river and di wota and waves kon kover mi.