Psalms 113:9 - Holy Bible Nigerian Pidgin English

⁹ Woman wey nor get pikin, E dey gi-am shidren kon make am dey happy. So, make wi praiz God!

Psalms 113:9 Jak'a apnaqawi uñst'ayäwi

Psalms 68:6

God dey find place put pipol wey don run komot from dia house bikos of war, E dey free prisonas kon make dem prosper. But pipol wey dey sin, dey stay for desert forever.

1 Samuel 2:5

Pipol wey dey chop well and get evritin before, don dey fine work naw, so dat dem go si food chop, while doz wey dey hongry before, don si plenty food chop. Even di woman wey neva get belle before, don born seven shidren, but di ones wey get plenty shidren, nor get again.

Isaya 54:1

“Wimen wey neva born pikin before, naw, make una sing and shaut with happiness, bikos di shidren wey una go born, go plenty pass di ones wey di woman wey get husband, born.

Galatians 4:27

Bikos dem rite am sey: “Woman! Yu wey neva born, make yu shaut dey happy, bikos yu neva labor like woman wey won born. Di woman wey neva born, get plenty shidren pass di woman wey get husband.”

Jenesis 25:21

Isaak pray to Oga God for en wife, bikos e neva born. God ansa en pray and en wife Rebekah kon get belle.

Nombas 5:28

But if di woman nor do am, den nor-tin go happen and e go fit born again.

2 Kings 4:17

Just as Elisha don promise am, di woman get belle kon born for di time wey Elisha tok.