Psalms 103:3 - Holy Bible Nigerian Pidgin English

³ Na-im dey forgive pipol dia sins and dey heal difren-difren diziz.

Psalms 103:3 Jak'a apnaqawi uñst'ayäwi

Exodus 15:26

God sey, “If una really obey di Oga una God kon do wetin good for my eyes and listin to my kommand, I nor go sofa una with all di diziz wey I send go Egypt, bikos na mi bi di Oga una God wey dey heal una.”

Isaya 53:5

But dem wound am bikos of awa sin; dem beat am bikos of di bad tins wey wi do. Na di ponishment wey e sofa give us peace and en wounds don make us well.

Psalms 30:2

My Oga God, I dey kry to Yu for help and Yu don make mi well.

Jeremaya 17:14

My God, make Yu heal mi and I go strong again; save mi and I go dey save, bikos na Yu I dey praiz.

Psalms 147:3

E heal pipol wey dia heart don break kon trit dia sore.

James 5:15

Di prayer wey dem take faith pray go save di pesin wey nor well and God go make am well. And if e kommit any sin, God go forgi-am.

Isaya 43:25

But na mi wey bi God still dey forgive una sins and I do all dis tins, bikos of who I bi! I nor go kount una sins against una.

Mark 2:5

Wen Jesus si as dia faith strong rish, e kon tell di man wey paralaiz, “My pikin, I forgive yu all yor sins.”

Nombas 12:13

Den Moses kry to God kon sey, “My God, abeg make Yu listin to am.”

Psalms 130:8

E go diliver Israel pipol from di wahala wey dem dey face, bikos of dia sins.

Efesians 1:7

Na thru Christ blood wi take get salvashon and na dis blood make God dey forgive us awa sins, bikos en grace big well-well.

2 Samuel 12:13

So David sey, “I don sin against God.” Natan ansa, “God don forgive yu, so yu nor go die.

Isaya 33:24

Nobody for Zion go sey, “I know well or I dey sick”, di pipol wey dey der, God go forgive dem dia sins.

Exodus 34:7

I dey keep my promise to tazon generashons. I dey forgive evil and sins. But I nor go fail to ponish wiked pipol with dia shidren-shidren. I go ponish di third and fourt generashon, bikos of wetin dia papa do naw.”

Psalms 41:8

Dem sey, “E get some bad-bad diziz. E nor go ever get up from dat bed!”

Psalms 86:5

Yu dey good and ready to forgive awa sins and pipol wey kom meet Yu for help, Yu dey show dem yor love wey nor dey fail.

Psalms 130:4

But Yu always dey ready to forgive so dat dem go honor Yu.

Isaya 38:17

Di pain wey I go thru na for my own good. Yu save my life from all di wahala kon forgive mi my sins.