Psalms 102:18 - Holy Bible Nigerian Pidgin English

¹⁸ So, make una rite dis tin down for una shidren-shidren, so dat wen dem born dem, dem go praiz God.

Psalms 102:18 Jak'a apnaqawi uñst'ayäwi

Romans 15:4

Bikos evritin wey dem rite from biginnin, na to tish, enkourage and give us hope.

Isaya 43:21

Na mi form dis pipol for mysef and dem go sing praiz mi!”

2 Pita 1:15

I go try do evritin wey I fit do, so dat afta I don go, una go fit tok about dis tins.

1 Korintians 10:11

Dem rite dis tins wey happen to dem to tish us lesin and na ezample for doz wey go dey wen di world go end.

Efesians 2:10

God kreate us thru Jesus Christ as di good work wey E don prepare down before, so dat wi go dey do as E plan.

John 20:31

But dis tins wey dem rite so, na make una for bilive sey na Jesus bi di Christ and naim bi Man Pikin and if una bilive am, una go get life thru en name.

Daniel 9:2

For dat same year wen e dey rule, mi Daniel kom undastand di holy book wey sey na seventy years God tell Profet Jeremaya sey, Jerusalem pipol go skata for di world.

Isaya 43:7

Dem bi my own pipol and I kreate dem, so dat dem go give mi glory.”

Psalms 71:18

Naw wey I don old well-well, make Yu nor leave mi. Make I tell dis new generashon and all doz wey dey porshu mi about yor pawa.

Psalms 48:13

Make una si as di town walls strong rish and as e dey save, den una go fit tell una shidren-shidren about am.

Exodus 17:14

Den God tell Moses, “Make yu rite dis tin for groun, so dat pipol go remember am, den tell Joshua sey, mi wey bi Oga God go make sure sey Amalek pipol nor go dey dis world again.”

Psalms 69:34

So make di heavens and eart praiz am, plus di sea and evritin wey dey swim inside am!