Psalms 10:17 - Holy Bible Nigerian Pidgin English

¹⁷ Oga God, na Yu bi di hope wey poor pipol get. True-true, Yu go hear dia kry kon konfort dem.

Psalms 10:17 Jak'a apnaqawi uñst'ayäwi

Psalms 145:19

Pipol wey dey fear am, E dey give dem wetin dem wont; E dey hear wen dem dey kry for help kon save dem.

2 Kronikles 34:27

and yu kom turn from sin kom meet mi, as yu tear yor klot dey kry wen yu hear sey I won ponish Jerusalem with en pipol. I don hear una prayer.

Psalms 34:15

Pipol wey dey do wetin dey rite, God eye nor dey komot from dia body and en ear dey open to hear wen dem kry for help.

1 Pita 3:12

God dey si di pipol wey dey do good and en ear dey open to hear dia prayers. But E dey against pipol wey dey do bad.

Isaya 65:24

Even before dem go pray to mi, I go ansa dia prayers and as dem still dey tok, I go hear dem.

Psalms 37:4

Make yu depend on God and E go give yu evritin wey yu wont.

1 Kronikles 29:18

God wey bi awa grand-grand papa Abraham, Isaak and Jakob God, make yor pipol always dey ready to obey Yu forever, so dat Yu go always make dem dey faithful to Yu.

Psalms 9:12

Bikos di Pesin wey dey ponish doz wey kill pipol, still dey kare for doz wey nor get helpa. E nor dey leave pipol wey dey sofa.

1 Pita 5:5

For di same way, make una wey yong put body down for di eldas. Make una nor dey karry body up for each oda, bikos God dey oppoz proud pipol, but E dey favor doz wey dey honbol.

James 4:10

If una put una body down for God, E go karry una go up.

Proverbs 16:1

Even doh wi fit make awa own plans, na God get di final sey.

Psalms 102:17

Pipol wey dey sofa, E go listin to dia prayers. E nor go rijet dem wen dem dey beg am.

2 Kronikles 30:12

God still help di pipol kom togeda for Judah, bikos dem obey di king and en ofisas kommand.

James 4:6

But E give us plenty grace. Na dis make God word sey, “God dey against pesin wey dey karry body up, but E dey give grace to pipol wey dey put dia body down.”

Efesians 3:12

and na bikos Christ dey faithful, naim make us get di heart to fit rish where God dey.

Efesians 2:18

so dat thru am, all of us with one Spirit, go fit rish where awa Papa dey for heaven.

Romans 8:26

Na so too di Holy Spirit dey help us bikos wi dey weak. Bikos wi nor know wetin wi suppose to pray for, di Spirit by ensef dey kry beg God, for di way awa word nor go fit esplain.

Matiu 5:3

“God go bless una wey dey poor for spirit, na una go get heaven.

Proverbs 15:8

God hate wiked pipol sakrifice, but E dey enjoy good pipol prayers.

Proverbs 10:24

Raitious pipol dey get wetin dem wont, but wetin wiked pipol dey get, na di tin wey dem fear pass.

Psalms 9:18

But God nor go forget doz wey dey kry for help. E nor go live dem forever; E go always dey give poor pipol hope.

2 Kronikles 29:36

King Hezekaya and all di pipol happy well-well for wetin God do for dem, bikos E kwik-kwik do am.