Proverbs 2:9 - Holy Bible Nigerian Pidgin English

⁹ So, if yu listin to wetin I dey tok; yu go know wetin dey rite, true and korrect, den kon know wetin yu suppose do.

Proverbs 2:9 Jak'a apnaqawi uñst'ayäwi

Jeremaya 6:16

God tell en pipol, “Make una stop and look round. Mi, wey bi God, don tok. Ask for di old way wey bi God own and make una follow am.” But dem ansa, “Dat nor bi di way wey wi like to follow!”

Isaya 48:17

God wey save una, di Pesin wey dey holy for Israel, dis na wetin E tok: ‘Na mi bi di Oga una God, di Pesin wey dey tish una wetin dey good. Di One wey dey show una di road wey una go follow.

John 14:6

Jesus ansa am, “Na mi bi di road, di trut and life. Nobody go fit go meet my Papa, unless e pass thru mi.

Psalms 119:99

Yes, I get betta undastandin pass my tishas, bikos I always dey tink of yor laws.

Psalms 32:8

God sey, “I go guide and take yu pass di best road for life. I go advise and wosh ova yu.

Isaya 35:8

One fine road go dey der and dem go koll am, “Holiness Road.” No sina go travel pass dat road and foolish pipol nor go fit deceive doz wey dey waka pass der.

Psalms 119:105

Yor word na lantan wey dey guide my leg and lite wey dey make mi si road.

Proverbs 4:18

Raitious pipol ways bi like sun for morning wey dey shine well-well go rish evening.

Proverbs 8:20

I dey follow korrect judgement and I always dey do wetin dey rite,

Proverbs 28:5

Evil pipol nor know wetin korrect judgement mean, but doz wey dey woship God, undastand am well-well.

Psalms 25:12

How wi go take know doz wey dey fear God? Na doz wey God go show di rite road wey dem go follow.

Proverbs 4:12

Nor-tin go stand for yor way if yu dey live wise life, den yu nor go fall wen yu dey run.