Nombas 23:24 - Holy Bible Nigerian Pidgin English

²⁴ Israel pipol go bi like strong lion wey nor dey rest until e don distroy en enemies kon drink di blood of di pesin wey e kill.”

Nombas 23:24 Jak'a apnaqawi uñst'ayäwi

Jenesis 49:9

Judah my pikin, yu bi yong lion wey just chop wetin e kill finish. Yu dey kill like lion kon kwayet dey look; yu bi like woman lion, na who go fit fight am?

Jenesis 49:27

Benjamin go bi like wolf wey dey skata en enemy. For morning, e dey distroy wetin e katch and for evening, e dey divide wetin e katch.”

Revelashon 5:5

Den one among di eldas kon tell mi, “Make yu nor kry again! Look, di lion for Judah tribe, wey kom from David family, don win. So e go open di book and break di seven keys.”

Zekaraya 12:6

For dat day, I go make Judah leaders bi like fire wey dey burn forest and farm wey ripe korn full. Dem go distroy all di nashons wey surround dem, den Jerusalem pipol go dey save.

Nombas 24:17

‘I don si am, but nor bi naw e go happen; Even doh I hold am, e nor dey near my hand. One star go kom out from Jakob pipol. E go kom out from Israel like septa. E go kill Moab pipol and Seth sons.

Nahum 2:11

So wetin don happen to Nineveh, dat great town? Dat place where lion full? Just as lion and en shidren nor dey fear to waka, na so too di pipol for der nor dey fear to waka before.

Amos 3:8

So na who nor dey fear if lion dey shaut? God wey dey mighty don tok, na who nor go tok about am?

Daniel 2:44

For di time wey dis kings go dey rule, God wey dey heaven go raiz one kind kingdom wey nor go ever end. Dem nor go fit distroy di kingdom and anoda pesin nor go rule am. E go distroy and skata all di oda kingdoms. But dis kingdom go stand forever.

Isaya 31:4

True-true, dis na wetin God tell mi, “Like lion wey dey shaut with vexnashon or yong lion wey won chop wetin e kill, na so I go bi like. Even doh many shepad gada round di lion, e nor dey fear dia shaut or run from dem. Na like dis too, Oga God wey dey lead heaven sojas, go kom help Mount Zion.

Proverbs 30:30

“ ‘Lion wey bi animals king wey nor dey run for anytin.

Psalms 17:12

Dem bi like lion wey dey hongry and dem nor fit wait to tear mi to pieces. Yes! Dem bi like yong lion wey hide for bush.

Deutronomi 33:20

Moses pray for Gad tribe sey: “God go bless una wey make en land wide! Gad pipol bi like lion wey won tear pesin hand or head komot from en body.

Nombas 23:25

Den Balak tell Balaam, “As yu nor gri curse Israel pipol, den make yu nor bless dem!”

Nahum 2:12

Di lion dey kill wetin e katch kon tear dem to pieces for en wife and shidren. Na flesh full di lion house.

1 Kings 10:20

Dem mold melu head for di throne back and near di two chair hand. Dem still mold anoda lion put for di throne. E nor get any throne wey bi like dis for any oda kingdom.

2 Kronikles 9:18

Di throne get six steps and di place where dem go put leg on-top, na gold dem take do am. Di throne get where dem go rest hand put for di two side and one image like lion dey for di two side for di throne.