Nombas 19:19 - Holy Bible Nigerian Pidgin English

¹⁹ For di third and sevent day, di pesin wey dey klean go sprinkol di wota for di unklean pesin body. For di sevent day, e go santify di man den di man go wosh en klot kon baf, den e go dey klean for evening.

Nombas 19:19 Jak'a apnaqawi uñst'ayäwi

1 John 1:7

But if wi dey inside di lite as en ensef dey inside lite, all of us go bi en friend and Jesus wey bi en pikin, go use en blood take wosh all awa sins komot.

Hibru 10:22

So make wi draw near God with betta heart and strong faith, bikos God don wosh awa heart and body with klean wota.

Ezekiel 36:25

I go pour klean and good wota for una body, so dat una go dey klean from di juju wey una dey woship before and evritin wey make una dirty.

Nombas 19:12

E must use klean wota take klean ensef for di third and sevent day, den e go dey holy. But if e nor klean ensef for di third and sevent day, e nor go dey holy.

Levitikus 14:9

For di sevent day, e go barber en hair again, en bear-bear, di hair wey dey en eye and all di hair wey dey en body. E go still wosh en klot kon baf, den e go dey klean.

Jude 1:23

Make una help odas make dem nor enter hell-fire, so dat una go fit save dem and as una dey help odas, make una dey fear God kon hate di tins wey go make una sin.

Titus 2:14

E die for us, so dat e go free and klean us from wikedness kon turn us to en own pipol wey like to do good tins.

Nombas 31:19

“Naw all of una wey don kill pesin or wey tosh dead body go stay outside di kamp for seven days and for di third and sevent day, make una and di wimen wey una katch klean unasef.

Jenesis 2:2

For di sevent day, God finish di work wey E dey do and E kon rest.

Exodus 19:10

God tell Moses, “Make yu use today and tumoro take santify di pipol kon tell dem make dem wosh dia klot

Nombas 19:13

Anybody wey tosh human being dead body and e nor klean ensef, don dirty Oga God temple. So make una drive dat pesin komot from Israel pipol, bikos dem nor klean am with di wota wey dem dey use klean pipol wey nor klean.

Nombas 19:18

Den e go bring hyssop leaf, deep am for wota kon sprinkol am for di tent, evritin for inside; for di pipol wey dey der and for di pesin wey tosh dead body, pesin bone or grave.

Levitikus 14:7

Den e go sprinkol am seven times for di pesin wey dem dey santify kon sey e dey klean and e go let di bird wey dey alive fly go outside di town for di open field.

Nombas 31:24

Una must wosh una klot for di sevent day and una go dey holy, den una go fit enter di kamp.’ ”