Mikah 5:2 - Holy Bible Nigerian Pidgin English

² But yu, Betlehem Efrat yu bi one small town for Judah. But na from yu di pesin wey go rule Israel go from kom and en family dey among Israel pipol since.

Mikah 5:2 Jak'a apnaqawi uñst'ayäwi

Matiu 2:6

“ ‘Betlehem pipol, una wey small pass for all di pipol wey dey rule Judah, na from among una di pesin wey go lead all my pipol for Israel, go from kom.’ ”

John 7:42

Abi God word nor sey, ‘Christ go kom from David family wey dey Betlehem, di village wey David from kom?’ ”

Psalms 90:2

Yu bi God wey nor dey die! Even before Yu kreate di mountins and di whole world, Yu don dey.

Isaya 11:1

For dat time, one pesin go kom from Jesse family. Yes! One rut go grow kom out from David house.

Zekaraya 9:9

Zion pipol! Make una happy well-well! Jerusalem pipol! Make una shaut with joy! Make una look, una king dey kom meet una! E dey raitious and naim get viktory. E dey honbol and kwayet as E sidan on-top donkey dey kom.

Jenesis 49:10

Di pawa rod nor go komot from Judah and di pawa to take rule, go always dey en leg, until e go rish di pesin wey really get am and evribody go obey yu.

Kolossians 1:17

Christ dey before evritin and bikos e dey, evritin still dey where dem dey.

Revelashon 19:16

For en klot and lap, wetin dem rite put na: “King and Oga God wey big pass.”

1 Samuel 17:12

Naw, David na one Efrat man pikin and di man kom from Betlehem for Judah and en name na Jesse. Di man get eight boys and wen Saul dey rule, di man don old well-well.

Jenesis 48:7

But for mi, wen I dey kom back from Paddan, Rashel die kon make mi kry for Kanaan. E die for road, wen wi still dey far from Efratah. So I beri am for di road wey dem dey pass go Efrat (wey bi Betlehem naw).”

1 John 1:1

Di tin wey dey from di biginnin, wey wi don hear and si with awa eye; wey awa hand don tosh (tins wey koncern di word wey dey give life

Hibru 13:8

Jesus Christ na di same yestiday, today and forever, e nor dey shange!

Matiu 28:18

Den Jesus Christ waka near kon tell dem, “God don give mi all di pawa wey dey heaven and eart.

Rut 4:11

Den all di eldas wey dey di gate kon sey, “Yes! Wi bi witness. Make God make yor wife bi like Rashel and Leah, wey born many pikin for Jakob. Make yu get plenty money for Efrat and evribody go know yu for Betlehem.

Jenesis 35:19

So Rashel die and dem beri am for di road wey dem dey pass go Efrat (wey bi Betlehem naw).

Hibru 7:14

Evribody know sey na from Judah tribe, Jesus from kom and Moses Law nor sey make priest kom from dat tribe.

Amos 9:11

God sey, “For dat day, I go ribuild David kingdom wey fall. I go ripair en fence kon build am back. I go build am again kon make am bi as e bi before.

Jeremaya 30:21

Dia leaders go kom from dia own nashon and dia prince go bi dia own pipol. E go kom meet mi wen I invite am, bikos nobody go fit kom wen dem nor invite am.

Isaya 53:2

My savant grow like seed wey dem plant for dry groun. E nor even get beauti or respet wey go make us notis am.

1 Samuel 10:19

But today, una don rijet di God wey save una from all una trobols and wahala. Una don sey, “No! Choose king wey go rule us.” Naw make una stand for God present akordin to una tribe and family.’ ”

Luke 23:38

Dem kon rite on-top en cross sey, “Dis na, ‘Jew Pipol King.’ ”

Luke 23:2

dey akuiz am sey, “Wi hear dis man wen e dey deceive and tell awa pipol sey make dem nor pay tax give Caesar and e dey tok sey naim bi Christ, wey bi king.”

1 Kronikles 5:2

Bikos na Judah strong pass, dem kon make am leader among en brodas, but na Josef dem still take as first pikin.

1 Kronikles 4:4

Na Penuel bi Gedor papa, while Ezer kon bi Hushah papa. Hur wey bi Efrat first pikin and Betlehem pipol papa, na en shidren-shidren bi dis.

Exodus 18:21

But make yu choose good men from di pipol. Men wey dey fear God; dey tok true; doz wey nor dey play wayo kon make dem rulers ova di pipol. Some fit rule tazons, odas hundred, some fifty, while some go rule ten.

Revelashon 21:6

E still tell mi, “God don do am finish! Na mi bi di Alfa and Omega, di startin and di ending. Anybody wey dey hongry for wota, I go gi-am wota wey dey give life and e nor go pay.

Revelashon 2:8

“Make yu rite di tins wey I won tell yu naw, go give di angel for di church wey dey Smyrna: ‘Dis message na from di Pesin wey bi di First and di Last, di One wey die kon kom back to life.

Psalms 132:6

Wi hear sey di Kovenant Box dey for Efrat; den wi si am for Jaar town.

1 Kronikles 2:54

Salma sons na: Betlehem, Netofat, Atrot Bet-Joab, half of Manahat and Zor pipol,

1 Samuel 23:23

Make una take time find di real place wey e dey, den kon tell mi. Den I go follow una go. If e dey di land, I go find am among doz wey dey Judah.”

1 Samuel 17:18

Den give dia oga dis biscuits. Make yu find out how yor brodas dey, den kom back kon tell mi weda dem get evritin wey I dey send yu go give dem.

Deutronomi 1:15

“So I take di men wey una selet by unasef kon make dem judge and ofisas ova una. Some dey lead 1,000 pipol, some hundred, some fifty, while some na only ten pipol.

1 Samuel 8:12

“Na only en go choose leaders wey go dey look ova tazon and doz wey go dey look ova fifty, plus doz wey go dey klear en field kon harvest wetin e plant and dem go dey make en war materials for am.

Exodus 18:25

Moses choose men wey fit do di work among Israel pipol kon make dem oga ova di pipol. Some dey rule tazons, odas hundred, some fifty and some ten.

Matiu 2:1

Afta dem born Jesus for Betlehem wey dey Judea, for di time wey Herod bi king, some wise men from east kon go Jerusalem

Jenesis 35:16

Dem travel from Bethel go Efrat wey far from der small. Rashel kon dey labor and di belle dey pain am well-well.

Judges 17:7

One day, one Levi man wey dey stay Betlehem for Judah kon kom di aria.

Rut 1:1

For di time wen Israel neva get king, honga kon dey for Judah land. So one man from Betlehem for Judah kon go stay for Moab and e karry en wife and two sons follow body.

Isaya 55:4

I make am leader and kommander for many nashons and I show dem my pawa thru am.

Hosea 6:3

So make wi serve God. As far day dey break and rain dey fall for di eart, E go kom save us.

Zekaraya 13:7

God wey dey mighty sey, “Swod! Make yu go attack and kill di shepad wey dey work for mi, den all di sheep go skata. I go attack my pipol

Isaya 7:14

So, God go give una sign by ensef. One yong woman wey neva ever sleep with man before, go get belle kon born boy pikin and dem go koll am, ‘Immanuel, wey mean, “God dey with us.” ’

Mikah 4:10

Jerusalem pipol, make una shaut and kry like woman wey won born, bikos dem must karry una go Babilon as slave. But God go save una for der; E go save una from una enemies hand.