Matiu 8:3 - Holy Bible Nigerian Pidgin English

³ Jesus tosh di man kon sey, “Yes, I wont make yu well!” At wons, di sickness komot from di man body.

Matiu 8:3 Jak'a apnaqawi uñst'ayäwi

Luke 5:13

So Jesus tosh di man kon sey, “I like to do am. ‘Oya! Make yor body klean naw!’ ” At wons, di leprosy komot for di man body.

Psalms 33:9

Bikos na afta E tok, di world start! As E kommand, di world kon appear at wons.

2 Kings 5:14

So Naaman go wosh ensef inside Jordan River seven times, just as God profet kommand am. Afta di sevent time, en skin kon smooth like small pikin own.

Mark 1:41

Jesus sorry for di man, so e tosh am kon sey, “I wont, so make yu well!”

John 5:21

As di Papa get pawa to take wake pesin wey don die, na so too di pikin get pawa to give life to anybody wey en won give.

Mark 4:39

So Jesus get up kon kommand di breeze, den e tell di river, “Make yu kwayet!” Di breeze stop and evriwhere kon kwayet at wons.

2 Kings 5:11

But Naaman vex waka komot dey sey, “I bin tink sey e go kom outside kom meet mi, den koll en God name and wave en hand for di diziz, so dat I go well.

Jenesis 1:3

So God kon sey, “Make lite kom.” And lite kon kom!

John 11:43

Wen e don tok dis finish, e kon shaut, “Lazarus, kom out!”

Luke 7:14

Den e waka go tosh di koffin and di men wey karry am kon stop. Jesus kon sey, “Yong man, get up!”

Mark 9:25

Wen Jesus si sey pipol dey gada, e kon tell di evil spirit, “Yu deaf and dumb spirit, I kommand make yu kom out from di boy and nor enter en body again.”

Mark 7:34

Den e look heaven kon sey, “Efratah!” (wey mean, “Make yu open”).

Mark 5:41

Den e whole di pikin hand small-small kon tell am, “Talita kumi,” wey mean “Small girl, get up.”

John 15:24

If to sey dem nor si di mirakle wey I do, wey nobody don do before, dem for nor dey guilty for dia sin. But afta dem don si di mirakles, dem still hate mi and my Papa.

Exodus 4:7

God tell am, “Put yor hand back inside yor dress.” So e put am back, den e bring am kom out and di hand kon dey okay again.

Matiu 12:13

Den Jesus tell di man, “Stresh yor hand.” So di man stresh en hand and di hand kon strong like di oda one.

Luke 4:27

Pipol wey get leprosy many for Israel for profet Elisha time, but God nor heal any one escept Naaman, wey kom from Siria.”