Mark 4:24 - Holy Bible Nigerian Pidgin English

²⁴ Jesus kon tell dem, “Make una dey kareful for wetin una dey hear, bikos na wetin yu use take measure give oda pipol, na-im God go take measure for yu too and E go add join am.

Mark 4:24 Jak'a apnaqawi uñst'ayäwi

Hibru 2:1

Make wi listin to wetin wi don hear, so dat wi nor go fall komot from di rite road.

Luke 8:18

So make una listin well-well, bikos pesin wey get, God go gi-am more, but pesin wey nor get, even di small one wey e tink sey e get, God go take am from en hand.”

Matiu 7:2

Bikos as una dey judge, na so God go take judge una. And as una dey do to oda pipol, na so dem go do una too.

Acts 17:11

Dis Jew pipol get betta mind pass di ones wey dey for Tesalonika, bikos dem open mind take bilive di message and dem dey read God word evriday to shek weda all di tins wey dem hear, na true.

2 Korintians 9:6

Na wetin I dey tok bi dis; Pesin wey plant small, go harvest small, but di pesin wey plant plenty, go harvest plenty.

John 10:27

My sheep dey hear my vois and I know dem and dem dey follow mi.

Proverbs 19:27

My pikin, if yu stop to learn, yu go forget evritin wey dem tish yu.

Isaya 55:3

My pipol, make una open una ear as una dey kom meet mi; make una kom meet mi and una go get life! I go give una kovenant wey go last forever kon give una di blessings wey I promise David.

John 5:25

I tell una true word, di time dey kom and e don even rish groun naw, wen doz wey don die go hear Man Pikin vois and wen dem hear am, dem go wake-up and dem nor go die again.

Mark 9:7

Den, kloud kover dem and one vois kon tok from di kloud sey, “Dis na My only pikin wey I love. Make una listin to am!”

John 10:16

I get oda sheep wey nor dey here. I must gada dem too and dem go listin to my vois, all of dem go dey togeda and na one shepad go lead dem.

1 John 4:1

My friends, make una nor bilive evribody wey sey na God Spirit dey tok thru am. Una must test am to know weda na God Spirit e really get. Bikos many fake profets dey for dis world.

1 Pita 2:2

But make una dey hongry for spiritual milk like pikin wey dem just born, so dat una faith go strong well-well

Jeremaya 17:21

God sey, “If una value una life well-well, for Sabat Day, make una nor karry any load pass di gates for Jerusalem