Luke 9:51 - Holy Bible Nigerian Pidgin English

⁵¹ Wen di time wey God go take Jesus go heaven don near, Jesus tink for en mind sey, e go-go Jerusalem.

Luke 9:51 Jak'a apnaqawi uñst'ayäwi

Mark 16:19

Afta Jesus don tok to dem finish, God kon karry am go heaven and e sidan for God rite side.

Luke 18:31

Jesus koll di twelf disciples go korna kon tell dem, “Si, wi dey go Jerusalem and evritin wey di profets rite about Man Pikin go happen for der.

Luke 13:22

Jesus travel pass some town and village kon dey tish as e dey go Jerusalem.

Luke 17:11

As Jesus dey go Jerusalem, e kon pass di place wey divide Samaria and Galilee.

1 Pita 3:22

go heaven kon go sidan for God rite hand, where e dey rule di angels and doz wey get pawa.

Hibru 12:2

Make wi dey look Jesus Christ wey give us awa faith and go help us keep am. Bikos of di joy wey Jesus dey espect, e sofa for cross and nor mind di shame wey follow am. But naw, e don sidan for di rite hand side for God throne.

Hibru 6:20

di place where Jesus don enter for us and don bikom High Priest forever, just as Melkizedek bi.

1 Timoti 3:16

Wi know sey God ways dey great well-well: Christ kom as human being; di Spirit show sey e dey free; angels si am wen e kom prish among Gentile pipol; pipol bilive am for di world and God karry am go heaven with glory.

Efesians 1:20

E show dis pawa thru Christ, wen E raiz am from deat, kon make am sidan for en rite hand for heaven;

Acts 1:9

So afta e don tok with dem, God kon karry am up until kloud kover am and dem nor fit si am again.

Acts 1:2

until di day wen God kon karry am go heaven, afta e give orda to di apostles, wey e choose with di Holy Spirit.

John 17:11

I nor go dey di world again, but dem go still dey inside di world, since I won kom meet yu. Holy Papa, make yor name protet di pipol wey yu give mi, so dat dem go bi one, just as mi and yu na one.

John 16:28

Na my Papa send mi kom dis world, but naw, I dey go back go meet am.”

John 16:5

“Naw, I dey go meet di Pesin wey send mi kom, but una dey ask mi, ‘Where yu dey go?’

John 13:1

Before dem do di Passova Feast, Jesus know sey en time don rish wen e go komot for dis world go meet en Papa. Bikos e love di pipol wey dey di world, e kon show dem how en love for dem strong rish.

John 6:62

Wetin go happen if una si Man Pikin go back to heaven where e dey before?

Luke 24:51

As e dey bless dem, God kon karry am go heaven.

Luke 19:28

Afta Jesus tok dis word, e kon go Jerusalem.

Luke 19:11

As Jesus dey waka near Jerusalem, e kon tell di pipol one parabol to show sey God Kingdom nor go just kom like dat.

Luke 12:50

E get one baptizim wey dem go baptize mi and my mind nor go fit rest until e happen!

2 Kings 2:11

As dem dey waka dey tok dey go, one shariot with fire kom out at wons kon separate dem two. Den strong breeze kon karry Elijah go heaven.

Filippians 3:14

and as I put my mind for dis tins, I dey try to get di prize wey bi life for heaven; prize wey make God koll us thru en pikin, Jesus Christ.

Luke 9:57

As Jesus dey go for road, one man kon tell am, “I won follow yu go anywhere wey yu dey go.”