Luke 9:19 - Holy Bible Nigerian Pidgin English

¹⁹ Dem ansa, “Some sey yu bi John di Baptist, odas sey yu bi Elijah and odas still sey yu bi one old profet wey wake-up from deat.”

Luke 9:19 Jak'a apnaqawi uñst'ayäwi

John 1:21

Den dem ask am, “So, na who yu bi? Abi yu bi Elijah?” E kon sey, “No, I nor bi Elijah.” Dem ask am again, “Yu bi di profet?” E ansa, “No o-o!”

Mark 6:15

Odas sey, “Na Elijah e bi.” Some kon sey, “E bi like one profet wey dey before.”

Matiu 14:2

so e kon tell en savants, “Dis na John di Baptist wey wake-up from deat! Naim make am get pawa to do all dis mirakle.”

Malakai 4:5

Make una si, I go send Profet Elijah kom meet una, before God Judgement Day go kom.

John 9:17

Dem ask di man wey blind before sey, “Wetin yu tink about di man wey make yu dey si?” Di man ansa, “Na profet e bi.”

John 7:40

Wen pipol hear wetin e tok, some for dem kon sey, “True-true, dis man naim bi di Profet!”

John 1:25

Dem kon ask John sey, “Why yu dey baptize pipol, if yu nor bi di Christ or Elijah or di Profet?”

Matiu 3:1

For dat time, John di Baptist dey prish inside wildaness for Judea sey,

Mark 6:14

King Herod kon hear wetin dey happen, bikos pipol don know Jesus name well-well. Some pipol sey, “John wey dey baptize don wake-up from deat and bikos of dis, e don get pawa to do mirakles.”

Luke 9:18

As Jesus dey pray alone and en disciples dey near am, e kon ask dem, “Na who pipol dey tok sey I bi?”

Luke 9:20

Den Jesus ask dem, “But who una tok sey I bi?” Pita kon ansa, “Yu bi di Mezaya wey God send.”