Luke 4:8 - Holy Bible Nigerian Pidgin English

⁸ Jesus ansa, “God word sey, ‘Na only God yu must woship and serve.’ ”

Luke 4:8 Jak'a apnaqawi uñst'ayäwi

Deutronomi 6:13

Una must fear di Oga una God kon serve am. Una must use only en name take swear.

Deutronomi 10:20

Una must fear di Oga una God kon woship and love am. Wen una swear, e go must bi with en name.

Matiu 4:10

Jesus ansa, “Komot here, devil! Bikos God word sey, ‘Na only God wi suppose to serve and woship.’ ”

Revelashon 19:10

So, I kon bow make I for woship di angel, but e sey, “Nor do dis tin! I bi savant and broda like yu wey whole di trut about Jesus well. Make yu woship only God, bikos na di profesy spirit bi di true word about Christ.”

Psalms 83:18

Den dem go know sey na only Yu bi God, di Pesin wey get pawa pass for di whole world.

Revelashon 22:9

But e tell mi, “Nor do like dat! I bi savant like yu, like yor brodas di profets and doz wey go obey di words wey dey dis book. So make wi woship only God!”

James 4:7

So, make yu give yorsef to God. But rijet di devil and e go run komot from where yu dey.

Luke 4:4

Den Jesus ansa, “God word sey, ‘Nor bi only food man suppose to chop for dis world, but na evry word wey God tok.’ ”

1 Samuel 7:3

Samuel kon tell Israel pipol, “If una don really turn from sin kom meet God with all una heart, make una remove all di small-small Ashtoret gods wey una get. Make una give una heart to God kon serve only en. Den E go save una from Filistia pipol pawa.”

1 Pita 5:9

Make una nor gi-am shance, but make una faith strong, bikos una know sey na di same tin una brodas and sistas for evriwhere for dis world, dey sofa.

Matiu 16:23

But Jesus turn face Pita kon sey, “Satan, komot for my front! Yu bi stone wey block road, bikos yor mind nor dey for wetin God wont, but na wetin man wont.”

Isaya 2:11

Di day dey kom wen God go honbol proud pipol kon disgrace sturbon pipol. Den na only God, pipol go dey praiz.

2 Kings 19:15

Hezekaya pray to God kon sey: “Oga wey bi Israel God, na Yu bi king among di creatures wey get feadas! Na only Yu bi God ova all di kingdoms for dis eart. Na Yu make di sky and di eart.

Luke 4:7

So, if yu bow down woship mi, I go give yu evritin.”