Luke 20:36 - Holy Bible Nigerian Pidgin English

³⁶ Dem go bi like angels and dem nor go die again. Dem go bi God shidren, bikos dem don wake-up from deat.

Luke 20:36 Jak'a apnaqawi uñst'ayäwi

Revelashon 21:4

E go klean evry tears from dia eye and deat nor go dey again. To dey mourn, kry and pain nor go dey again, bikos di tins wey dey before, don vanish.”

Filippians 3:21

E go use en pawa wey make am Oga God for evritin, take shange dis awa ordinary body and awa body go kon bi like en own wey get glory.

Matiu 22:30

For resureshon day, pipol nor dey marry or give woman out for marriage, bikos dem go bi like angel for heaven.

Revelashon 20:6

God don bless di holy pipol wey join for di first resureshon! And dis pipol nor go die again, but dem go bi God and Christ priests and dem go rule with am for 1,000 years.

1 Korintians 15:42

Na so e go bi afta wi don raiz-up from deat. Dis body wey wi get naw, go die, but di body wey wi go take raiz from deat, go dey forever.

Revelashon 22:9

But e tell mi, “Nor do like dat! I bi savant like yu, like yor brodas di profets and doz wey go obey di words wey dey dis book. So make wi woship only God!”

1 Korintians 15:26

and di last enemy wey e go distroy, na deat.

Mark 12:25

Wen pipol wake-up from deat, dem nor go marry again, instead dem go bi like angels for heaven.

1 Korintians 15:49

Just as wi bi like di first man wey kom from eart, wi go bi like di sekond man wey kom from heaven.

Zekaraya 3:7

“God wey dey mighty sey, ‘If yu obey my laws kon keep my kommands, na yu go bi oga for my temple and for my kourt and I go add yu join all dis angels wey dey my side naw.’

Hosea 13:14

I nor go save dis pipol from grave or save dem from deat pawa. So deat, make yu bring all yor wahala kom! Yu grave, make yu bring all yor distroshon kom, bikos I nor go pity for dis pipol again.

Isaya 25:8

God wey get pawa go distroy and swallow deat forever! Doz wey dey kry, God go klean dia eyes and E go remove di disgrace wey en pipol don sofa for dis world. God, wey dey lead heaven sojas, don tok.

Romans 8:16

Na God Spirit make us know sey wi bi God shidren.