Luke 19:44 - Holy Bible Nigerian Pidgin English

⁴⁴ Dem go distroy una and una shidren and dem nor go leave one block on-top anoda, bikos di time wen God kom visit una, una nor know.”

Luke 19:44 Jak'a apnaqawi uñst'ayäwi

Luke 21:6

“Di day dey kom wen all di stones wey una dey si so, go skata and one nor go dey on-top anoda again.”

Lamentashons 1:8

Bikos Jerusalem sin well-well, God kon rijet dem like dirty rag. All di pipol wey dey honor am before, don hate am naw, bikos dem don si en nakednes and shame. Di only tin wey e fit do naw, na to dey kry with pain and hide en face with shame.

1 Pita 2:12

So make una dey live well among pipol wey nor bi Christian, so dat wen dem sey una do bad, dem go si di good tins wey una dey do and dem go praiz God wen E won judge di world.

Luke 19:42

den e sey, “I wish sey una know wetin go give una peace today! But naw, God don hide am from una.

Luke 1:68

“Make wi praiz Israel God, bikos E don help and free en pipol.

Matiu 24:2

Jesus kon tell dem, “Una dey si all dis tins? I tell una true word, wen di time rish, one block nor go dey on-top anoda one, bikos di building go skata finish!”

Daniel 9:24

“God don set seventy weeks as di time wen E go take free yor pipol kon ribuild en temple. Una dey sofa, bikos of all di evil and wiked tins wey una do. Afta, E go forgive una sins and judge una well forever, so dat wetin E tok, go happen. Den E go anoint di holy temple again.

Luke 1:78

Since God love and en kindness strong well-well, E go let en salvashon rish us,

Mark 13:2

Jesus ansa, “Una dey si all dis big house? Dem nor go even leave one stone on-top anoda. All of dem go skata!”

Mikah 3:12

So, bikos of una, I go klear Zion like field; Jerusalem go bi where dem dey trowey dirty put and di temple go turn hill wey grass grow kover.

Psalms 137:9

Di pesin wey go take una shidren dem take nak rock, make blessing follow am!

Isaya 10:3

Naw, wetin una go do wen God won judge una? Wen God bring wahala from far kountry kom meet una, na who una won run go meet make e help una? Where una go hide una propaty and money put?

Isaya 29:3

I go bi una enemy and I go attack, seize and distroy di town.

Jeremaya 11:23

I don choose di time wen I go bring dis wahala kom meet Anatot pipol and wen dat time rish, nobody among dem go survive.”

Daniel 9:26

“ ‘Afta di sixty-two weeks, di Pesin wey God choose, go die and nor-tin go remain. Di ruler wey get pawa pass, go bring sojas kom distroy di town and di temple. Di end go rush kom like wota; e go bring war and distroshon, just as God plan am.