Luke 12:37 - Holy Bible Nigerian Pidgin English

³⁷ Di savant wey en oga go kom back kon meet am dey work, make e happy well-well bikos di oga go prepare ensef make e for serve di savant food for tabol.

Luke 12:37 Jak'a apnaqawi uñst'ayäwi

2 Pita 3:14

So, my friends, as una dey wait for dis tins, make una do wetin una fit do, so dat una go get peace and una go dey without stain or fault wen una go enter en kingdom.

Matiu 24:42

“So, make una shine una eye, bikos una nor know di day wen Christ go kom.

Filippians 1:23

Naw, I know wish one I go choose, bikos I won go dey with Christ and na dat one betta pass.

1 Korintians 2:9

But God word sey, “No eye don ever si; no ear don hear, even pesin mind nor fit tink about di tins wey God don prepare for pipol wey love am.”

Revelashon 14:13

Den I hear one vois from heaven dey sey, “Make yu rite dis tins: “God don bless pipol wey bilive and obey Christ before dem die!” Di Spirit sey, “Blessing go really follow dis pipol and dem go rest from dia hard work, bikos of di good wey dem do.”

2 Pita 1:11

Di door to enter awa Oga God and Savior Jesus Christ kingdom, wey nor go ever end, go open wide for una.

John 12:26

Anybody wey ready to serve mi, go must follow mi and where I dey, na der my savant go dey too. Anybody wey serve mi, my Papa go honor am.

Luke 21:36

But make una dey shine una eye evritime, dey pray make God give una pawa take pass all dis test wey go happen, so dat una go fit stand for Man Pikin front.”

Isaya 62:5

Like yong man wey marry virgin, na so too en wey form una, go marry una. As husband dey happy with en wife, na so una God go dey happy with una too.

Revelashon 7:17

Bikos di Lamb for di throne, go bi dia Shepad. E go take dem go drink from di river wey dey give life. And evry tears wey dey dia eyes, God go klean am komot.”

Revelashon 3:21

Bikos I bear rish di end kon follow my Papa sidan for en throne, anybody wey fit bear rish di end, go follow mi sidan for my throne too.

Filippians 1:21

Bikos to mi, to dey dis life, na to live for Christ and to die inside Christ, na dat one betta pass.

Luke 17:8

No! Instead una go tell am, ‘Prepare my evening food and serve mi, make I chop and drink. Wen I don finish, yu fit go chop yor own.’

Luke 12:43

Di savant wey en oga kom back kon meet am dey do en work, make e happy well-well.

Zefanaya 3:17

Di Oga yor God dey with yu and E dey always diliver yu. E dey happy well-well bikos of yu. En love nor go make yu fear again and E go dey sing sweet songs bikos of yu.’

Jeremaya 32:41

I go happy to do good tins for dem and I go plant dem for dis land forever.

Luke 12:36

Make una bi like pipol wey dey wait for dia oga to kom back from party, so dat wen e nok, una go kwik open door for am.

Luke 22:27

Na who big pass? Na di pesin wey sidan for tabol dey chop or di pesin wey dey serve am? Nor bi di one wey sidan for tabol? But I dey do like savant among una.

Revelashon 16:15

Look! I go kom like tif! God don bless di pesin wey go shine en eye and wear en klot, so dat e nor go naked waka.