Luke 12:19 - Holy Bible Nigerian Pidgin English

¹⁹ Den I go tell mysef, “Yu get plenty food wey go last yu for many years, so make yu go sleep, chop and drink, dey enjoy yorsef!” ’

Luke 12:19 Jak'a apnaqawi uñst'ayäwi

Proverbs 27:1

Make yu nor boast about tumoro, bikos yu nor know wetin go happen between naw and den.

1 Korintians 15:32

If resureshon nor dey, wetin kon bi my gain, afta I don fight wiked animal for Efesus? Na bikos of pride make mi do am? If na so, e go good make wi dey chop and drink bikos tumoro wi go die.

Isaya 5:11

Una own don finish! Una wey dey wake up for early morning bigin drink. Una dey drink still evening until di drink katch una well-well.

Ekklesiastes 11:9

Yong man, make yu happy as yu dey yong! Make yu enjoy evry minute for dis life and do evritin wey yu won do; but remember sey yu go tell God evritin wey yu dey do.

James 5:5

Yu dey live life wey yu dey enjoy and yu dey enjoy for dis eart. Yu don make yorsef fat, dey wait for di day wey dem go kill yu.

Filippians 3:19

Dem go end for hell; na dia belle bi di god wey dem dey serve. Tins wey suppose make dem shame, naim dey make dem happy and na only tins for dis world dem dey tink about.

Proverbs 18:11

Rish pipol dey tink sey di propaty wey dem get go protet dem like strong high wall wey dey round di town.

Psalms 62:10

So, make yu nor trust wetin yu get thru opreshon! Nor put hope for wetin yu tif! If yor money many, make yu nor too happy.

Revelashon 18:7

As e karry ensef up, dey enjoy yeye life, na so di sofa and sadnes wey yu go gi-am, go plenty rish, bikos e tok for en mind sey, ‘I dey rule like kween, my husband neva die and I nor go ever si sadnes again!’

1 Pita 4:3

Di time wey una dey bihave like unbilivers, don pass. Dat time una live bad life; dey do bad tins; dey drink; dey do anyhow and serve juju.

2 Timoti 3:4

Dem go betray dia friends; dey do tins before dem tink; dey feel sey dem dey important and dem go love enjoyment pass God.

Hosea 12:8

Efraim pipol sey, “Wi get money well-well and nobody go fit akuse us sey wi use wayo take get awa money.”

Isaya 22:13

But instead, una bigin laf and dey do party. Una sey, “Make dem kill sheep and melu make wi chop and make wi drink plenty wine! Make wi drink and chop, bikos wi go fit die tumoro.”

Isaya 5:8

Una own don finish! Una wey dey buy all di house and field join di ones wey una get, so dat pipol nor go get where dem go stay again. Naw, na only una go dey di land.

Proverbs 23:5

bikos yor money fit finish wons like sey e get feada kon fly leave yu like eagle.

Job 14:1

“Na short life na-im man wey woman born get and na trobol full am.

1 Timoti 6:17

Make yu give dis kommand to rish pipol. Tell dem sey, make dem nor dey karry body up kon dey trust dia money wey nor get value and make dem dey trust God wey dey give us evritin wey wi nid to take enjoy dis life.

1 Timoti 5:6

But if e just dey enjoy ensef anyhow for dis world, dat mean sey en spirit don die, even doh e still dey alive.

Luke 21:34

“So, make una shine una eye! Nor let party and wahala for dis life full una mind, if not, dat Day go kom wen una nor espect,

Luke 16:19

“E get one rish man wey dey wear dear-dear klot and e dey enjoy life evriday.

Habakkuk 1:16

Dem even dey woship and offa sakrifice give dia net kon dey sey, “Na dis net bi di god wey make us get money well-well!”

Psalms 49:18

For dis life, dem dey happy sey dem get evritin kon dey klap for dia suksess,

1 Samuel 30:16

So di man take David go where Amalek pipol dey and David kon si sey dem full di land. Dem dey chop and drink; dey enjoy diasef, bikos of evritin wey dem karry from Filistia pipol and Judah land.

Proverbs 10:2

Propaty wey yu use wayo take get nor go do yu any good, but trut go save yu.

Ekklesiastes 2:24

So I kon sey, nor-tin dey good dan for pesin to chop, drink and enjoy di work wey e dey do, bikos all dis enjoyment kom from God.

Isaya 56:12

Dem go sey, ‘Make wi buy some wine and drink as wi like! Tumoro go betta pass today and wi go get evritin wey wi wont!’ ”

Amos 6:13

Una dey boast sey una seize Lo-Debar town and una sey, “Nor bi wi win and katch Karnaim town with awa own pawa?”

Luke 12:18

“Den di man sey, ‘I know wetin I go do: I go skata my stores kon build new big-big one wey I go keep all my food and oda tins wey I plok.

Proverbs 14:24

Money na crown for wise pipol head; but foolish pipol work, dey only produce bad result.