Luke 11:24 - Holy Bible Nigerian Pidgin English

²⁴ “Wen evil spirit komot for pesin body, e go dey waka anyhow, dey fine where e go rest. But wen e nor si, e go tell ensef, ‘Make I go back to di house wey I from komot.’

Luke 11:24 Jak'a apnaqawi uñst'ayäwi

1 Pita 5:8

Make una shine una eye well-well, bikos devil wey bi una enemy, bi like hongry lion wey dey shaut and dey find who e go chop.

Psalms 63:1

Oga, na Yu bi my God and e don tey wen I dey wait for Yu, bikos my soul dey hongry for Yu. My whole body dey hongry for Yu inside dis dry and pash-pash land wey nor get wota.

Job 2:2

God kon ask am, “Where yu from dey kom?” Satan ansa, “I just dey waka anyhow for di world.”

Job 1:7

God ask Satan, “Where yu from dey kom?” Satan ansa, “I just dey waka anyhow for di world.”

Mark 5:10

E kon beg Jesus make e nor drive dem komot from di aria.

Isaya 48:22

Oga God sey, ‘Wiked pipol nor go ever get peace.’ ”

Efesians 2:2

bikos una dey do wetin di world wont. Una dey obey wiked pawas wey dey rule di air and kontrol sturbon shidren.

Mark 9:25

Wen Jesus si sey pipol dey gada, e kon tell di evil spirit, “Yu deaf and dumb spirit, I kommand make yu kom out from di boy and nor enter en body again.”

Isaya 44:3

I go give una wota for dry land kon make wota flow pass where wota nor dey. I go put my Spirit for una shidren body kon bless una shidren-shidren.

Isaya 35:7

di hot groun go turn to lake and wota go kover all di dry land. Where wiked dogs bin dey stay, grass, reeds and straw go grow full der.

Proverbs 4:16

Wiked pipol nor dey fit sleep until dem do bad tin. Dem nor go gri rest until dem wound pesin.

Luke 11:25

But wen e kom back, kon si sey dem don swip evriwhere klean, arrange am and nobody dey der,