Joshua 23:14 - Holy Bible Nigerian Pidgin English

¹⁴ “Make una listin, I go soon die. Una know with all una heart and body sey evritin wey God promise sey E go do, E don do am for us!

Joshua 23:14 Jak'a apnaqawi uñst'ayäwi

Luke 21:33

Heaven and eart go vanish komot, but my word go dey forever.

1 Kings 2:2

“I go soon die, so make yor heart strong

Ekklesiastes 9:10

So, anytin wey yu dey do, make yu do am well, bikos wons yu die, yor wisdom, knowledge, work and plans, nor go mean anytin again.

Nombas 23:19

God nor bi like man wey dey lie and E nor bi human being wey dey shange en mind. Anytin wey E promise, E dey do am; Anytin wey E tok, na so e go bi.

1 Kings 8:56

“Make wi praiz God wey don give en pipol peace, just as E sey E go do. E don do all di tins wey E promise Moses en savant.

1 Samuel 3:19

Samuel kon dey grow and God dey with am. Anytin wey e tok, must happen.

Ekklesiastes 12:5

Remember am naw, before yu go kon dey fear to klimb high place or to waka for road; den yor hair go don turn white like almond tree wey dey shine and yu go hardli fit karry yorsef just like grasshoppa wey dey die; den all di mind to dey sleep with woman or man, go vanish and small time, yu go-go yor final resting place, den pipol go mourn for di street for yu.

Exodus 3:8

I don kom diliver dem from Egypt pipol, den karry dem go anoda land wey dey good and big. Di land wey milk and honey dey flow for di aria where Kanaan, Hit, Amor, Periz, Hiv and Jebus pipol dey stay.

Hibru 9:27

Bikos God sey, na only wons man go die and afta dat, judgement go kom,

Job 30:23

I know sey Yu dey karry mi go where I go for die; di place wey Yu keep for evribody.

Ezekiel 20:28

I bring dem kom di land wey I don promise sey I go give dem. Wen dem si how di tree for der fine and how di mountin tall rish, dem kon bigin sakrifice give di tree and mountins. Dem make mi vex, bikos of di sakrifice wey dem dey burn and di wine wey dem dey offa as ofrin.

Jenesis 47:29

Di time wey Israel won die kon rish, so e koll en pikin Josef kon tell am, “If really sey yu love mi, make yu put yor hand under my lap kon show mi kindness and faithfulnes. Make yu nor beri mi for Egypt,