Joshua 23:10 - Holy Bible Nigerian Pidgin English

¹⁰ Only one of una fit make 1,000 pipol run, bikos di Oga una God dey fight for una as E promise.

Joshua 23:10 Jak'a apnaqawi uñst'ayäwi

Deutronomi 32:30

How one pesin go fit porshu 1,000 among dem and two pipol porshu 10,000; if nor bi sey dia Rock sell dem and dia God give dem to dia enemies?

Levitikus 26:8

Five of una go fit win hundred pipol and hundred of una go win 10,000 pipol.

Deutronomi 3:22

So make una nor fear, bikos di Oga una God go fight for una by ensef.”

Exodus 14:14

God go fight for una, so make una nor worry.”

Psalms 35:1

My God, make Yu oppoz doz wey dey oppoz mi and fight doz wey dey fight mi.

Deutronomi 20:4

Bikos di Oga una God dey go with una! E go fight una enemies for una kon make una win di war!”

Romans 8:31

Wetin wi go tok about all dis tins? If God dey for awa side, who go fit dey against us?

Psalms 46:7

God wey dey lead heaven sojas dey with us and na Israel God dey protet us.

Joshua 23:3

Una si evritin wey di Oga una God do to di oda nashons and as E take fight for una.

1 Samuel 14:6

Jonatan kon tell en savant, “Kom make wi go di oda side go meet all dis men wey dem nor sekonsaiz. May bi God fit fight for us. Nor-tin go fit stop God to save us, weda dem many or small.”

Joshua 10:42

Joshua katch all dis kings and dia land for just one fight, bikos di Oga wey bi Israel God dey fight for en pipol.

Judges 15:15

One donkey wey dem just kill, Samson si en bone for groun. So e pick di bone kon use am kill 1,000 Filistia sojas.

2 Samuel 23:8

Dis na David sojas wey get pawa well-well: Di first one na Josheb-Basshebet wey kom from Tahkemon and naim bi di leader for, “Di Three”, e fight with eight hundred men and e kill dem for one war.

Judges 3:31

Afta Ehud, di next leader wey Israel get na, Shamgar, Anat pikin and en too save Israel pipol wen e use animal bone take kill 600 Filistia pipol.

Deutronomi 20:3

E go tell dem, “Israel men, make una listin to mi! Today, as una dey go fight una enemies, make una nor fear at-all! Make una heart nor fail una or una kon dey shake for dia front like pikin wey nor well.

Deutronomi 28:7

God go make una win una enemies wen dem attack una. Dem go from one side attack una, but dem go skata and run from una for seven side!

Deutronomi 32:20

God sey, “I go rijet dem, I go si wetin go happen to dem; bikos dis generashon dey show sey dem too know and dem nor get sense.

Joshua 23:11

Make una dey very kareful! Make una love di Oga wey bi una God!

1 Kronikles 5:22

Dem kill many enemies, bikos God fight for dem. So dem kon dey stay dat aria until dem karry dem go Babilon as slaves.

Isaya 30:17

Only one of una enemies soja go kill 1,000 of una, den wons una si five of una enemies sojas, all of una go run until una nor many again kon small like poles wey dey on-top mountin or sign flag wey dey on-top hill.”

Zekaraya 12:8

For dat time, God go protet doz wey dey stay Jerusalem and even doz wey weak pass among dem, go dey strong, just as David, dia grand-grand papa bi. David shidren-shidren go lead dem like God angel and dem go bi like God.

Levitikus 26:7

Una go ovakom una enemies.

1 Kronikles 5:20

Dem ask and pray to God make E help dem and God ansa dia prayers kon make dem win di war.