Joshua 22:5 - Holy Bible Nigerian Pidgin English

⁵ But make una dey obey God kommand and laws wey en savant Moses tell una with kare; make una dey loyal to am kon serve am with all una heart and body!”

Joshua 22:5 Jak'a apnaqawi uñst'ayäwi

Matiu 22:37

Jesus ansa, “Make pesin love God with all en heart, with all en soul and with all en mind.

Exodus 20:6

But I go show my love to many generashon, bikos dem love and keep my kommand.

Romans 8:28

And wi know sey evritin dey work for awa good, bikos wi love God and dey do wetin E wont.

Deutronomi 11:22

Make una dey kareful as una dey obey all di kommand wey I dey give una today. Make una show love to di Oga una God kon bilive and do as E sey make una do.

Exodus 15:26

God sey, “If una really obey di Oga una God kon do wetin good for my eyes and listin to my kommand, I nor go sofa una with all di diziz wey I send go Egypt, bikos na mi bi di Oga una God wey dey heal una.”

James 1:12

Di pesin wey fit bear wen problem kom meet am, make e happy, bikos e don show sey en faith strong and e go get di crown wey get life, wey God don promise sey E go give pipol wey love am.

Matiu 4:10

Jesus ansa, “Komot here, devil! Bikos God word sey, ‘Na only God wi suppose to serve and woship.’ ”

Romans 12:9

Make wi love each oda well-well. Make una hate anytin wey dey bad, but una must love anytin wey get trut.

Romans 1:9

God wey I dey serve and prish en pikin gospel, na-im fit bear mi witness sey I always dey remember una

Acts 27:23

Bikos yestiday nite, God wey I dey serve, en angel appear to mi

Acts 11:23

Wen e rish der kon si how God don bless di pipol, e happy well-well kon enkourage dem sey make dem kontinue to woship God with all dia heart.

John 14:15

“If una love mi, una go do wetin I tok.

Luke 1:74

‘E go save us from awa enemy hand, so dat wi go fit take all awa heart serve am

Matiu 6:24

“Nobody go fit serve two oga, e go hate one kon love di oda one, or e go serve one with all en heart and nor respet di oda one. Nobody go fit serve God and money for di same time.

Isaya 55:2

Why una dey spend una money for wetin nor go beleful una? Why una dey spend una money wen una know sey hongry go still kill una? Make una listin and do wetin I tok, den una go enjoy di best food.

Psalms 106:3

Joy dey for pipol wey dey do well and always dey do wetin dey rite.

Deutronomi 11:13

Naw, if una listin well-well to my kommand, wey I dey tell una today kon love di Oga una God and serve am with all una heart and mind,

Deutronomi 11:1

Una must love di Oga wey bi una God kon obey evritin wey E tok. Dat is, en law, rules and kommand wey E give una.

Deutronomi 6:17

Make una make sure sey una dey obey dis kommand well kon keep all di laws wey E give una.

James 2:5

My brodas and sistas, make una listin! God nor choose poor pipol for dis world sey, make dem rish for faith and inherit di kingdom wey E promise sey E go give doz wey love am?

Hibru 12:15

Make una make sure sey nobody turn back from God grace and make nobody get bad belle and kause trobol wey go make pipol sin.

John 12:26

Anybody wey ready to serve mi, go must follow mi and where I dey, na der my savant go dey too. Anybody wey serve mi, my Papa go honor am.

Proverbs 4:23

Make yu dey kareful about wetin yu dey tink, bikos na wetin yu tink for yor heart, yu go do.

1 Samuel 12:24

Make una dey fear and serve God with all una heart. Make una si all di wonderful tins wey E don do for una!

1 Samuel 12:20

Den Samuel tell di pipol, “Make una nor fear. True-true, una don sin. But make una nor turn from God. Make una serve God with all una heart.

1 Samuel 7:3

Samuel kon tell Israel pipol, “If una don really turn from sin kom meet God with all una heart, make una remove all di small-small Ashtoret gods wey una get. Make una give una heart to God kon serve only en. Den E go save una from Filistia pipol pawa.”

Joshua 23:8

But una must dey loyal to di Oga una God, as una don dey loyal till today.

Deutronomi 13:4

Una must follow di Oga una God kon woship only en and una must follow en kommandment, obey, serve and always dey loyal to am.

Deutronomi 10:20

Una must fear di Oga una God kon woship and love am. Wen una swear, e go must bi with en name.

Deutronomi 4:9

But make una look well! Make una dey kareful, so dat una nor go forget wetin una don take una eyes si. As long as una dey life, make una nor let dis tins komot from una mind! Make una make sure sey una tell una shidren and grand-shidren about dis tins.

Deutronomi 4:6

So make una dey sure sey una dey do dem, bikos dis tins go show how una get sense rish among di pipol wey go hear am and dem go sey, “True-true, dis great kountry get pipol wey wise well-well.”

Deutronomi 4:4

But all of una wey dey faithful to God still dey alive till today.

Jeremaya 12:16

But dem must first asept my pipol relijon with dia heart and as dem make my pipol swear with dia Baal juju, na so too, dem go use my name take swear kon sey: ‘Wi swear with God wey nor dey die.’ If dem do all dis tins, I go add dem join my pipol.

Revelashon 15:3

Dem dey sing Moses wey bi God savant and di Lamb song sey: “God wey dey mighty, si as di tins wey yu dey do dey big and wonderful! Yu wey bi king for all nashons. Yu nor dey do parsha and evritin wey yu dey do, na true.

Exodus 23:25

“If una serve di Oga una God, E go bless una bread and wota kon remove all una sickness.

Deutronomi 4:29

But if una turn to God from der, E go kom help una, dat na if una really turn kom meet am with all una heart and soul.

Deutronomi 5:10

but I go show my mesi thru di kovenant to doz wey choose, obey and keep my kommand.

Psalms 78:7

So evry generashon go get hope and trust God and dem nor go forget en great mirakles, but dem go obey en kommand.

Exodus 23:13

“Make una do evritin wey I tell una and una nor go pray or swear to any oda god. Make I nor ever hear dia name for una mout.