Jonah 3:5 - Holy Bible Nigerian Pidgin English

⁵ Nineveh pipol bilive God message, so dem kon sey make evribody fast and wear sak and evribody, both small and old, do wetin dia leaders tell dem.

Jonah 3:5 Jak'a apnaqawi uñst'ayäwi

Luke 11:32

For Judgement Day, na so too Nineveh pipol go bear witness against pipol wey dey dis world naw, bikos dem turn from sin kom meet God wen Jonah prish give dem. But naw, pesin wey big pass Jonah dey here.”

Matiu 12:41

For judgement day, Nineveh pipol go kondemn di pipol for dis time, bikos wen Jonah prish give dem, dem turn from sin kom meet God. And naw, somebody wey big pass Jonah dey here with una!

Daniel 9:3

So I wear sak klot, sidan for ashes den turn to God kon dey beg am as I dey pray and fast.

Joel 1:14

Koll and tell evribody sey make dem fast! Gada di leaders and all Judah pipol go meet and kry give God for en temple!

2 Kronikles 20:3

Jehoshafat kon dey fear, so e go meet God. E kommand evribody for Judah sey make dem fast.

Hibru 11:1

Faith na wen wi dey sure sey wetin wi dey hope for go happen and wi sure sey, di tins wey wi neva si, go kom.

Hibru 11:7

Na faith make Noah build ark afta God warn am about wetin go happen. E obey wetin God tok and na di ark save en and en family. Na di same faith Noah take kondemn di world, kon inherit di raitiousness wey dey kom.

Acts 27:25

So, my pipol, make una heart strong, bikos I bilive sey na as God tell mi, na so e go bi.

Acts 8:10

Evribody, both small pikin and big pipol, dey bilive wetin e dey do and dem bilive sey, “Na God gi-am pawa!”

Jeremaya 42:8

so I kon koll Johanan, di sojas offisa, doz wey dey with am and di oda pipol.

Jeremaya 42:1

Den all di sojas oga with Johanan wey bi Kareah pikin and Jezanaya wey Hoshaaya born kom with oda pipol

Jeremaya 36:9

For di ninet mont for di fift year wey Jehoiakim bi king for Judah, all di pipol wey dey Jerusalem and di pipol wey kom Jerusalem from Judah, kom fast for God temple.

Jeremaya 31:34

“Pipol nor go nid to tish each oda about how to know God, bikos evribody go know mi; both doz wey poor and doz wey get money. I go forgive dia sins and I nor go remember di bad tins wey dem do before. Mi, wey bi God, don tok.”

Ezra 8:21

For where wi dey for Ahava River, I kon orda sey make all of us fast and honbol awasef before God and make wi ask am make E lead and protet us, awa shidren, all awa propaty and for awa journey.

Revelashon 11:3

I go give my two witness authority to profesai for 1,260 days and na sak klot dem go wear.

Estha 4:1

Wen Mordekai hear evritin wey dey happen, e tear en klot kon wear sak, pak ashes for en head; den e go di town centre kon dey kry.

Jonah 3:7

E kon kommand, “For inside dis kingdom, Nineveh, mi and all my ofisas don gri sey: ‘Make nobody or animal, chop or drink anytin.

Exodus 33:6

So from di time wey Israel pipol komot from Mount Horeb, dem nor ever wear gold or ear-ring again.

2 Kings 19:1

Wen King Hezekaya hear wetin dem tok, en too tear en klot kon wear sak go God Temple.