Jonah 2:7 - Holy Bible Nigerian Pidgin English

⁷ Wen I tink sey my life don dey finish, I kon pray give Yu and Yu hear mi from yor holy temple.

Jonah 2:7 Jak'a apnaqawi uñst'ayäwi

Psalms 18:6

But inside my trobol, I kry to God. Yes! I pray to my God make E kom help mi and E hear mi from en temple, bikos my kry rish en ear.

2 Kronikles 30:27

Di priest and Levi pipol stand up kon bless di pipol and God ansa dia prayers from en throne for heaven.

Psalms 143:5

I remember before-before as I dey tink about all yor great works and doz tins wey Yu don do.

Psalms 11:4

But God dey for en holy temple; E dey rule from heaven. E dey look as evribody dey live dia life for dis eart.

1 Samuel 30:6

David vex well-well, bikos en men dey tink for dia mind sey make dem stone am. Each man dey kry for en pikin. But di Oga God kon give David strong mind.

Psalms 27:13

But where I for dey naw, if to sey I nor bilive sey God go favor mi for dis land wey wi dey?

Psalms 20:7

Some nashon dey make mout and trust dia shariot and sojas, but na awa Oga God name wi take dey boast.

Psalms 65:4

But blessing go follow di pesin wey Yu choose to stay yor palis. Make di good tins wey dey yor house, yor holy place, beleful us.

Hibru 12:3

If una dey tink how Jesus sofa for wiked pipol hand and how dem hate am, una mind go strong for faith.

Habakkuk 2:20

But Oga God dey en holy temple, so make evribody for di world, keep kwayet for en present.”

Mikah 1:2

Make pipol for evriwhere listin! Make evribody wey dey for dis world, listin to wetin I dey tok. God wey get pawa dey tok against una and E dey kom judge una from en holy temple.

Jonah 2:4

Den I sey, ‘Oga God, Yu don drive mi komot from yor present kpata-kpata and I nor go ever si yor holy temple again!’

Isaya 50:10

All of una wey dey respet God and obey en savant words, di road wey una dey waka fit dey dark, but make una trust una Oga God! Make una put hope for una God.

Psalms 43:5

Wetin make my soul dey weak? Wetin make my heart nor happy at-all? But I go put my hope for God hand! I go praiz am again, bikos na-im bi my Savior and God!

Psalms 42:11

Wetin make mi nor get hope? Wetin make my heart nor dey happy at-all? But I go still put my hope for God hand! I go still dey praiz am, bikos na-im bi my Savior and God!

Psalms 42:5

But wetin make mi nor get mind? Wetin make my heart nor happy at-all? I go put my hope for God hand! I go praiz am again, bikos na-im bi my Savior and my God!

Psalms 22:14

My life bi like wota wey dem trowey and all my bones don skata. My heart bi like kandol wey dey melt inside mi.

Psalms 142:3

Wen I nor get pawa again, na-im dey protet mi as I dey waka. Bikos anywhere wey I dey go, my enemies don set trap dey wait for mi.

Isaya 38:17

Di pain wey I go thru na for my own good. Yu save my life from all di wahala kon forgive mi my sins.