John 3:7 - Holy Bible Nigerian Pidgin English

⁷ So, make yu nor konfuse bikos I tok sey, ‘God go born yu for di sekond time.’

John 3:7 Jak'a apnaqawi uñst'ayäwi

John 3:3

Jesus tell am, “Make I tell yu true word, unless dem born pesin di sekond time, e nor go fit si God kingdom.”

Revelashon 21:27

But know dirty or yeye tin go ever enter di town. Pesin wey dey do bad or dey lie, nor go ever enter der, but di pipol wey go enter, na only doz wey dem rite dia name for di Lamb Life Book.

1 Pita 1:22

Una don klean una soul with di trut wey una dey obey and as brodas and sistas, make una love each oda well-well.

Hibru 12:14

Make una try to live for peace with evribody and dey holy, bikos anybody wey nor dey holy, nor go si God.

Kolossians 1:12

Make una dey tank God, bikos E don make una share from wetin en pipol get for en kingdom wey dey give lite.

John 3:12

Naw, if I dey tell una about di tins wey dey for dis world and una nor fit bilive wetin I tok, how una go fit take bilive mi, if I bigin dey tell una about di tins wey dey for heaven?

Job 15:14

Any human being fit dey klean? Anybody fit dey rite before God?

John 5:28

“So, make dis word nor sopraiz una, bikos di time dey kom, wen all doz wey dey inside grave go hear di pikin vois,

John 3:6

Wetin flesh born, na flesh e bi, but wetin God Spirit born, na spirit e bi.

John 3:8

Wen breeze dey blow, e dey go anywhere e wont, yu dey hear di sound wey e dey make, but yu nor fit know where e dey kom from or where e dey go. Na so e bi with evribody wey God Spirit born.”