John 1:1 - Holy Bible Nigerian Pidgin English

¹ Since wen di time start naim di Word dey and di Word dey with God and na God ensef bi di Word.

John 1:1 Jak'a apnaqawi uñst'ayäwi

Jenesis 1:1

Wen di world just start, na God kreate di heaven and di eart.

John 17:5

And naw, Papa honor mi, make yu draw mi near yu, just as wi dey before di world start.

Revelashon 19:13

E wear klot wey dem soak inside blood and di name wey dem dey koll am, na God Word.

Kolossians 1:17

Christ dey before evritin and bikos e dey, evritin still dey where dem dey.

John 1:14

Den di Word kon shange to pesin and e stay with us for dis world. Wi si en glory wey show sey, naim bi di only pikin wey get korrect favor and trut, wey God send kom meet us.

Revelashon 22:13

Na mi bi di Alfa and Omega, di First and di Last, di Startin and di Ending!)

John 1:2

Di Word dey with God from wen time bigin.

Revelashon 1:8

God sey, “Na mi bi di Alfa and Omega, di One wey dey since, wey dey naw and wey go still kom, na mi bi di God Almighty!”

Filippians 2:6

wey bi sey, even doh en with God na di same, e nor boast about am.

Isaya 9:6

Bikos dem don born one pikin for us! God don give us boy pikin! E go bi awa ruler and dem go koll am, “Wonderful Advise, Mighty God, Everlastin Fada and di Prince wey bring peace.”

Matiu 1:23

“Si! Di woman wey neva sleep with man before go get belle and e go born boy and dem go koll am, ‘Emmanuel’ wey mean, ‘God dey with us.’ ”

Revelashon 21:6

E still tell mi, “God don do am finish! Na mi bi di Alfa and Omega, di startin and di ending. Anybody wey dey hongry for wota, I go gi-am wota wey dey give life and e nor go pay.

Hibru 13:8

Jesus Christ na di same yestiday, today and forever, e nor dey shange!

Isaya 7:14

So, God go give una sign by ensef. One yong woman wey neva ever sleep with man before, go get belle kon born boy pikin and dem go koll am, ‘Immanuel, wey mean, “God dey with us.” ’

1 John 5:20

Wi know sey God Pikin don kom and e don give us sense to know di trut about God. And wi dey inside en Pikin Jesus Christ. Na-im bi di real God and na-im bi di life wey nor go end.

1 Timoti 3:16

Wi know sey God ways dey great well-well: Christ kom as human being; di Spirit show sey e dey free; angels si am wen e kom prish among Gentile pipol; pipol bilive am for di world and God karry am go heaven with glory.

John 16:28

Na my Papa send mi kom dis world, but naw, I dey go back go meet am.”

Revelashon 1:17

Wen I si am, I fall near en leg like sey I don die. But E tosh mi with en rite hand, kon sey: “Nor fear! Na mi bi di First and di Last,

John 20:28

Tomas ansa am, “O! My Oga God and my God.”

Titus 2:13

bikos wi dey wait for di day wen God sey Christ, wey bi awa God Almighty and Savior, go kom.

Hibru 7:3

E nor get papa or mama, e nor get story at-all, en days nor get where e for start or where e go end, but e bi like Man Pikin and e bi priest forever.

Revelashon 3:14

“Make yu rite di tins wey I won tell yu naw, go give di angel for di church wey dey Laodicea: ‘Dis message na from di Pesin wey bi di Amen; di witness wey dey obey God kommandment since E kreate di world.

Efesians 3:9

Di grace na to make evribody undastand God sekret plan. Na God kreate evritin and E hide di plan since e kreate di world.

Revelashon 1:2

and John bear witness for evritin wey e si. Dis na wetin John tok koncerning God word and about Jesus Christ.

1 John 5:7

Wi get three witness to show sey wetin wi dey tok, na true and dem bi:

Romans 9:5

Awa grand-grand papa dem wey follow God waka before, na from dem dis pipol from kom. So I dey pray make dem praiz God wey dey rule evritin forever and ever! Amen.

John 1:18

Nobody don fit si God face before. But Jesus, wey bi God ensef, wey en and en Papa bi tait friend, na-im kom show us how God bi.

Psalms 45:6

My God, yor throne go dey forever and ever. Na with royal pawa Yu take dey judge yor kingdom.

Revelashon 2:8

“Make yu rite di tins wey I won tell yu naw, go give di angel for di church wey dey Smyrna: ‘Dis message na from di Pesin wey bi di First and di Last, di One wey die kon kom back to life.

2 Pita 1:1

Na mi Pita wey bi Jesus Christ savant and apostle, rite dis leta to di pipol wey get di same faith wey wi get. God give una dis faith, bikos of en raitiousness wey kom thru awa Oga God and Savior, Jesus Christ.

Revelashon 1:11

“Make yu rite evritin wey yu dey si inside dis book, den send dem go meet di pipol wey dey di seven church wey dey for Efesus, Smyrna, Pergamum, Tiatira, Sardis, Filadelfia and Laodicea.”

Luke 24:53

and dem dey go di temple evritime, dey praiz God.

John 8:58

Jesus ansa dem, “Na true word I dey tell una so, before dem born Abraham, I don already dey!”

Kolossians 1:15

God wey wi nor dey si, na Jesus bi en image and for evritin wey E kreate, na Jesus bi di first.