Joel 3:16 - Holy Bible Nigerian Pidgin English

¹⁶ God vois bi like lion own from Mount Zion; en vois dey make nois from Jerusalem and di eart with di sky kon dey shake. But God go defend and protet en pipol.

Joel 3:16 Jak'a apnaqawi uñst'ayäwi

Amos 1:2

Amos sey, “God vois bi like lion own from Mount Zion; en vois for Jerusalem bi like tonda nois. All di trees and grass wey dey Mount Karmel, dry finish.”

Haggai 2:6

Dis na wetin Oga God for heaven dey tok: E nor go tey again before I go shake di heavens and di eart, di sea and di dry land.

Jeremaya 16:19

Den I sey, “My God! Na Yu dey protet and give mi pawa. Yu dey help mi anytime I dey for trobol. Nashons go kom from evriwhere for di eart kon sey, ‘Di gods wey awa grand-grand papa dem get, na only to lie dem know and dem nor fit save anybody.’

Isaya 42:13

God dey go fight war like strong soja; E dey ready to fight. E go shaut. Yes! E go shaut for war kon distroy and win en enemies.

Proverbs 18:10

God name na strong place to hide put, raitious pipol dey run enter and dem dey-dey save.

Ezekiel 38:19

I go vex kon sey, ‘For dat day, many eartkweke go happen for Israel.

Isaya 51:16

I stresh heaven kon make di eart foundashon! I tell Jerusalem, ‘Una bi my pipol! I don tish and protet una with my hand.’ ”

Psalms 61:3

True-true, na Yu dey save mi; my strong towa wey dey protet mi from my enemies.

Revelashon 16:18

Den tonda lite, like lion vois kon dey make nois and strong eartkweke kon happen. Dis kind eartkweke neva happen since wen God kreate di world.

Psalms 18:2

Na God bi di rock wey dey protet mi. Na-im dey guide mi and na-im bi di pawa wey dey save mi and I dey save inside am.

Isaya 33:16

na-im go dey save like kountry wey dem protet well-well. E go get food and wota to chop and drink.

Psalms 29:11

Na God dey give en pipol strent and na en dey bless dem with peace.

1 Samuel 15:29

God wey get Israel must do wetin E tok and E nor dey shange en mind, bikos E nor bi human being wey dey shange mind.”

Revelashon 11:19

Den for heaven, God Temple kon open and en Kovenant Box dey inside di temple. Tonda kon dey make nois and spark, den strong eartkweke happen and big-big ice-blok kon dey fall.

Revelashon 11:13

For dat same time, betta eartkweke go happen and if dem divide di town into ten, one part go distroy finish. 7,000 pipol go die for di eartkweke and evry oda pesin go fear kon bigin tank God wey dey heaven.

Hibru 12:26

For dat time, en vois dey shake di eart, but naw, E don promise sey, “Nor bi only dis eart I go shake, but I go shake di heavens too.”

Zekaraya 10:12

I go make my pipol strong and dem go woship and obey mi.” Mi, Oga God, don tok.

Amos 3:8

So na who nor dey fear if lion dey shaut? God wey dey mighty don tok, na who nor go tok about am?

Hosea 11:10

I go shaut like lion kon fight my pipol enemies, den my pipol go follow mi. Dem go rush kom meet mi from west.

Zekaraya 10:6

“I go make Judah pipol strong and I go save Israel pipol. I go sorry for dem kon bring dem back to dia land. Dem go bi like pipol wey I neva rijet before. Na mi bi Oga dia God and I go ansa all dia prayers.

Isaya 33:21

True-true, God go rule for der as awa king. River wota go dey flow pass awa land. No war ship or big ship go drive pass am.

Jeremaya 17:17

Nor make mi fear Yu, bikos na Yu dey save mi wen I dey trobol.

Nahum 1:7

Oga God dey good, E dey protet en pipol wen dem dey trobol and E dey kare for doz wey trust am.

Haggai 2:7

I go shake all di nashons and dem go bring all dia propaty kom dis temple. I go kover dis place with my glory.” Oga God don tok.

Zekaraya 9:12

Israel pipol wey bi prisonas, make una kom back, bikos una don get hope. Make una kom back to di place where una go for dey save. I dey tell una naw sey, ‘I go give una doubol blessing, bikos of how una don sofa.’