Jeremaya 51:6 - Holy Bible Nigerian Pidgin English

⁶ So, make una run komot Babilon town! Make una run for una dear life! Make una nor die for nor-tin, bikos of Babilon pipol sin. I dey take my revensh and I go ponish dem well-well.

Jeremaya 51:6 Jak'a apnaqawi uñst'ayäwi

Jeremaya 50:8

So Judah pipol, make una kwik-kwik komot from Babilon! Make una bi di pipol wey go first komot from der. Make una bi like man goat wey dey lead di oda goats.

Jeremaya 50:28

(Make una listin! Pipol wey nor get house dey run komot from Babilon go Jerusalem kon tok as di Oga awa God ponish Babilon pipol, bikos of wetin dem do to en temple.)

Jeremaya 50:15

Make una shaut for war for evriwhere for di town! Den, Babilon pipol go surenda. Dem go skata di town wall, bikos mi wey bi God, dey take revensh. So make una trit am, just as e trit odas.

Jeremaya 51:45

So Israel pipol, make una run komot from der! Make una run for una dear life and from my vexnashon.

Jeremaya 25:14

I go pay Babilon pipol back for wetin dem do and dem go bi slave to many nashon and great kings.’ ”

Nombas 16:26

E kon tell di kommunity sey, “Make una komot from doz wiked pipol tent and nor tosh anytin wey bi dia own, if not, God go distroy una bikos of dia sin.”

Revelashon 16:19

Den di big town divide into three and di nashons kon fall rish groun. So God remember Babilon wey big well-well and E gi-am di cup wey full with en vexnashon wine.

1 Timoti 5:22

Make yu nor hurry to make pesin leader and nor rush put hand for en head, so dat yu nor go karry anoda pesin sin for yor head. Make yu keep yorsef pure.

Jeremaya 51:50

God tell en pipol wey dey Babilon, “Una don eskape deat! So make una dey go and nor wait! Even doh una dey far from una land, make una tink about mi wey bi una Oga God and una go remember Jerusalem.”

Jeremaya 51:11

So God go use Media kings take distroy Babilon. E go revensh bikos of en temple wey Babilon sojas distroy. Media sojas oga kon kommand sey, ‘Make una sharp una arrow and karry una shield!

Jeremaya 51:9

Strenjas for der sey, ‘Wi bin won kom help Babilon town, but e don too late. Make wi leave am kon go back to awa house, bikos God don ponish Babilon pipol kon distroy di town.’ ”

Jeremaya 50:31

God sey, “Babilon pipol, bikos una too karry body, mi wey bi God, dey against una! Time don rish wen I go ponish una.

Isaya 48:20

So naw, make una komot from Babilon, make una run komot from der! Make una shaut with joy as una dey tok about am. Make una tell evribody for di world sey, ‘God don save Jakob en savant.’

Jeremaya 46:10

Na God wey dey mighty get today. Today, E go take revensh kon ponish all en enemies. En swod go kill all of dem. God wey dey mighty don sakrifice doz wey fall for en trap for di nort side for Eufrates River.

Jeremaya 27:7

All di nashons go serve en and en shidren-shidren, until wen en own nashon go fall. Den Babilon go bi savant to nashons wey get pawa and great kings.

Jeremaya 25:16

Wen dem drink am finish, dem go stagga kon dey bihave anyhow, bikos I dey send war kom meet dem.”

Proverbs 13:20

Follow who get sense waka, so dat yu go get sense too; but if yu waka with foolish pipol, na trobol go follow yu.

Deutronomi 32:43

My pipol, make una happy, bikos God go fight for en savant; E go pay en enemies back kon sorry for en pipol and dia land.

Deutronomi 32:41

I go make my lite sharp like swod and my hand go hold di judgement swod well-well; I go revensh doz wey make mi vex kon pay doz wey hate mi!

Deutronomi 32:25

Di swod go bring deat for outside and for inside, fear go kill both men and wimen; small pikin and di ones wey don big.

Isaya 63:4

I just feel sey di time to save my pipol don rish and na di rite time to ponish dia enemies bi dis.

Jeremaya 48:6

Dem sey, ‘Make una kwik-kwik run for una life! Make una run like donkey for desert!’

Jeremaya 51:36

Dis na wetin God tell Jerusalem pipol: “I go bi una lawyer kon judge una kase, den I go fight for una. I go dry Babilon rivers.

Jeremaya 51:56

‘Wi don distroy Babilon. Wi don seize en sojas kon break dia bow.’ I bi di God wey dey ponish bad pipol and I go pay Babilon back.

Lamentashons 3:64

So Oga God, make Yu pay dem back for all di bad tins wey dem don do.

Psalms 94:1

My Oga wey dey fight for pipol. Di God wey dey take revensh, make Yu show us yor glory!