Jeremaya 50:20 - Holy Bible Nigerian Pidgin English

²⁰ Wen dat time rish, sin nor go dey for Israel land again and wikedness nor go dey Judah, bikos I go forgive doz wey I save dia life. Mi, wey bi God, don tok.”

Jeremaya 50:20 Jak'a apnaqawi uñst'ayäwi

Mikah 7:19

Yes! Yu go sorry for yor pipol. Awa sins go dey under yor leg and Yu go trow dem go under di sea!

Jeremaya 31:34

“Pipol nor go nid to tish each oda about how to know God, bikos evribody go know mi; both doz wey poor and doz wey get money. I go forgive dia sins and I nor go remember di bad tins wey dem do before. Mi, wey bi God, don tok.”

Isaya 43:25

But na mi wey bi God still dey forgive una sins and I do all dis tins, bikos of who I bi! I nor go kount una sins against una.

Isaya 1:9

If to sey Oga God wey get pawa nor let some of di pipol survive, dem for don distroy Jerusalem finish, like Sodom and Gomorrah.

Psalms 103:12

Just as east far from west, na so too E make awa sins far from us.

2 Pita 3:15

God dey wait with patient, so dat una go turn from sin kom meet am, just as awa broda Paul rite give una akordin to di wisdom wey God gi-am.

Isaya 44:22

I don remove una sins komot like sey na tick kloud. So make una turn kom meet mi, bikos na mi bi di Pesin wey save una.”

Nombas 23:21

Wahala nor go happen to Jakob shidren; Israel pipol nor go si trobol. Bikos di Oga wey bi dia God dey with dem and na-im bi di king.

Romans 6:13

Make una nor let Satan use una body take do bad tins, but make una karry unasef give God as pipol wey don wake-up from deat, so dat una go dey do good tins.

Jeremaya 33:15

For dat time, I go choose king wey dey raitious from David shidren-shidren. “Di king go do wetin dey korrect and good for evriwhere for di land.

Romans 11:6

If na by grace God choose dem, dat mean sey, nor bi by pesin pawa: Bikos if na by pesin pawa, den grace nor mean anytin again.

Romans 5:16

God gift and one man sin nor bi di same. Judgement follow di one man sin kon kondemn evribody, but na God gift dey free us, even doh wi bi sinnas.

Acts 3:26

So God don raiz en savant and E don send am give una, make e for bless and help una turn from sin kom meet am.”

Acts 3:19

So make una turn from sin kom meet God, make E for forgive una,

Jeremaya 50:4

God sey, “Wen dat time rish, Israel and Judah pipol go kry kom find mi wey bi dia God.

Jeremaya 44:14

Judah pipol wey kom stay Egypt, nobody among dem go eskape or survive. Nobody among dem go-go back to Judah, wey dem like to go stay again. Nobody go-go back, escept some slave.’ ”

Psalms 17:3

Na nite wen I dey sleep Yu take test my mind kon shek my heart. Yu don shek mi kon si sey I nor dey wrong. I don sey I nor go sin with wetin I dey tok or do.

Isaya 33:24

Nobody for Zion go sey, “I know well or I dey sick”, di pipol wey dey der, God go forgive dem dia sins.

Jeremaya 33:8

I go forgive dem dia sin. Yes! I go forgive dem all di sin wey make dem go against my kommand.

Ezekiel 18:22

God go forgi-am all en sin and e go get life, bikos e do di rite tin.”

Zekaraya 3:9

“Si, I dey put one stone wey get seven eye for Joshua front. I go rite put kon remove all di sin wey dis land don kommit.

Psalms 85:3

Yu nor dey vex for dem again and Yu nor show dem yor vexnashon.

Isaya 10:21

Some of dem go kom back! Yes Jakob shidren wey remain go kom back to dia God wey get pawa.

Lamentashons 4:22

Jerusalem pipol, God nor go ponish una again, instead E go take una komot from Babilon go back to una own land. But una wey kom from Edom, make una nor worry, God go ponish una, bikos of una sins.

Zefanaya 3:12

Pipol wey dey honbol and good, na dem go stay with una and dem go dey save for God present.